[多奇出品] - 點樣令香港足球水平進步?

Royce Sports 足球中心 一站式為您提供所有關於足球嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/
當訓練變成一種習慣:我哋好多時要到訓練先至去練波,其實咁樣對職業球員嚟講係浪費好多時間。好似我仲後生時,我住嘅地方可以搭10分鐘小巴就去到學校,而我就選攞每日帶住個足球去盤球,嗰時每日返學放學一來一回就有兩次盤球機會,一星期五日返學就十次練習機會,一個月就係四十次機會練習。所以有時唔係要去球場先至可以練波。


發掘新技能令自己進步:我小時候已經喜歡打不同嘅位置,無論前鋒、左右翼、中場,左右閘、中堅。我喜歡踢唔同位置嘅原因係因為我想挑戰自己。當然專注踢一個位置亦都冇問題,但我可以透過踢唔同位置,鍛練我不同類型嘅技術。好似我有踢中場分波從而鍛練到我傳控技術,到我要打中堅時,我所練到嘅分波就大派用場。

足球講求做嘅決定合唔合理而唔係要個啱嘅正確嘅答案:我哋由小學到中學講求係單一嘅正確答案,因為咁樣容易評分。但足球所講嘅係我哋所做嘅決定係咪合理,即係冇一定嘅答案,因為足球係千變萬化。好似我做傳球我這一秒傳球同遲一秒傳球個效果已經差好遠。如果吓吓要有一個正確嘅答案,咁依個唔係踢足球,咁亦都令足球失去吸引力。

香港環境太細同埋交通太發達:當然交通四通八達有佢嘅好處,但對一個足球員係一個不利嘅因素。其實有好多時我哋搭巴士、小巴代步,當然路程遠就冇辦法,但例如好似由大圍去源禾路踢波,如果我哋可以以跑步去代替搭車,其實係一個好好訓練體能嘅機會。我後生時都係由大圍帶波去排頭邨踢波,當時嘅體能同控球技術真係唔差。
做多啲唔同類型運動彌補足球訓練嘅不足:我相信有唔少人聽過森巴足球,巴西人除咗足球之外仲鍾意跳舞。佢哋除咗可以練到身體嘅協調仲可以學習調整節奏快慢,而最重要嘅一點係佢哋唔使刻意去練習就有這個效果。仲有如果舉例子就係朗尼除咗踢波之外仲鍾意打拳擊,唔怪得佢身體特別強壯,你睇佢條頸仲粗過我大脾。同埋咁都訓練到佢有堅毅嘅精神。除咗佢之外堅尼亦都鍾意打拳,南韓球員就玩跆拳道。而我除咗足球仲有鍾意打籃球同排球,所以我爭頂同身體手協調都唔錯。
最後,就係香港球員唔係單單要教佢哋,而係要引導,從而表現出自我風格。咁其實個個年輕球員都係一樣啦,有邊個唔想突出自己。依個我都明白。但教足球唔同教人讀書要重復培養一個個考試機器。足球係多元化,唔同性格嘅人,到球場所演繹嘅同埋所踢嘅風格都唔同。我哋最重要係引導唔係要不斷教年輕球員點做點做,當然如果球員有偏差就要提點,但唔係要話俾佢知點錯,而係要佢察覺自己要點調整。理想啲嘅方法就係錄影佢哋嘅表現,等佢哋有自覺性去注意自己不足,唔係一味靠鬧。

以上講嘅係個人經驗,希望可以加入一啲新嘅元素。


Royce Sports 足球中心 一站式為您提供所有關於足球嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→