新韋拉─普巴 精選

近期歐洲球壇出現了一個很火紅的新星，那當然就係祖雲達斯的中場普巴。法國新星普巴不是近期才出名。雖然普巴只有廿一歲，但佢唔係近期先成名。早在2009年，普巴十六歲時已經因為加入曼聯，而引起世人的關注。佢後來更有機會為獌記上陣效力，可惜佢並無太大的貢獻，而獌記亦無重用佢或惜心培養佢。白白將佢放咗比祖雲達斯。
祖記原本係尋找普巴作為派路的後備，估唔到普巴黎咗祖記之後，竟然實力大爆發，加盟首季就有驚人表現。係對陣拿玻里便攻入一個精彩遠射，全季二十場賽事攻入五球，協助球會奪得意甲冠軍，更成功擔正正選中場。
https://www.youtube.com/watch?v=awqbNBDkQKw
普巴係祖雲達斯既比賽中成長咗唔少。佢雖然有一米九的身高，但卻毫無妨礙佢既活動能力，使佢常常以靈活既盤扭作突破。普巴現時已經係法國隊的陣中主力，相信唔少人見到佢，都會聯想起法國名宿韋拉。一樣係非洲裔，一樣有高挑身材，一樣打中中……更重要既一點係佢地都兇猛力沉既遠射。普巴既遠程重炮往往使人卒不及防，呢個也可以話係佢最大的武器。
https://www.youtube.com/watch?v=OAgpKvF1JVA
普巴年紀輕輕，據傳身價已逾六千萬歐羅，但其實佢還有不少的進步空間。例如:在球隊中，作為核心和隊長時的領導性和指揮能力，性格也要更加穩重，才可以壓制隊中的球員，保持隊長的威信。普巴身為未來法國隊長的絕佳人選，相信他未來一定能夠成為韋拉般的偉大球員，甚至超越韋拉的成就，成為又一個傳奇。
https://www.youtube.com/watch?v=xLkjRYQjfgE
對於有言論認為普巴會轉投有意買佢既獌記，我個人覺得不會成事，佢亦可能唔會去皇馬，而係留返係意甲。畢竟係祖意，普巴又可享受冠軍的榮譽，又可以跟隨派唔等前輩學習，進一步提升自己既能力。所以未來一兩年內，佢留在祖雲達斯的可能性較大。