沒有火力供應的朗尼

PokMan_談足球 於 31/10/2015 發表 收藏文章
小弟第一次出文,有咩需要改善的問題,大家盡量吐槽,盡量開炮。
首先小弟喺一個因為爸爸影響所以從小就開始關注曼聯的球迷,雖然我喺拉莫斯既fans
最近評論朗尼既文章有好多,例如一啲放棄佢之類既文章,而我則有另一啲睇法。

據我所了解,在雲高爾的戰術下,曼聯的控球率成為英超第一,但其實我就認為大部分都是在外圍搓波,很少有靴里拉咁樣既直線波,所以造就曼聯既攻門次數寥寥可數。

將朗尼放喺前鋒位置既分析,為何我會說朗尼得不到足夠的支援,首先我地分析一下LM RM既定位,LM早前不斷派出迪比,死扭爛扭,扭到無得扭就先傳中,咁樣對方既防線已經企穩,試問問現今有幾個空中霸王可以在對方企穩時頂入波,有都喺腳下功夫唔好,淪為後備既人,例如費蘭尼。講返迪比,除左死扭爛扭之外,偶爾都有突破,不過突破成功後並不是傳中,而是內切推大位,射遠柱,就連我呢個普通球迷都睇得出,所以對方龍門可以企定喺遠柱等佢。其次,馬達並不是一位傳統的RM,而是一位中場大腦既指揮官,一拎波就會自然移入中路,出現重左輕右的情況,當左邊攻不破的時候,成隊就自然在外圍搓波,試問問若果不派出靴里拉,對方只要凍結馬達,我相信具威脅既傳送是較少的,馬達移入中路後,右邊自然沒有 地波傳中,高波傳中,就算唔傳中,從右邊發動既攻勢都會少。將對方球員全部堆在中路,對防守最有利既就系狹窄,所以才會出現攻門次數很少的情況,當將對方球員集中在中路的時候試問問朗尼點樣拎波,早前有一篇提及到朗尼拎波既位置比以往較後,這也是因為防守球員堆在中路時,朗尼就必須出來做策應,順手吸引防守球員,藉此幫隊友拉出空位。所以,我就覺得在前鋒位置既朗尼得到的支援是非常非常少的。

或者有人會說,睇完我既分析後會覺得好廢,因為馬迪爾又會有波入?難道支援真的不夠?但大家有否諗過,馬迪爾經常會走落翼位到接應,然後自己帶入攻門,例如第一日上陣時既亨利式射法,但我想講,這不是一位前鋒要做的功夫,這是翼位球員要做的事情,所以才會之後被安排在對陣曼城時翼位出現的原因。(如果我無記錯的話)

當球員沒有人給予他足夠的信任和支援時,表現亦會有所影響,就好似今天小弟練波時,一個關係較好的隊友說,我全場只是掂過兩次波,可想而知佢喺幾傷心,當然佢第二次掂波喺鏟射入波。就好似朗尼咁,沒有人傳送開火權給他時,佢都喺積極咁跑動,呢樣喺非常之抵贊的,因為好多時隊友既獨食會影響其他球員的跑動,(xxxx,佢都唔傳咖啦,唔跑啦。)我相信好多人踢波都會遇過呢類人,大家是否一樣不想跑動,心態是否會越來越差,就連簡單既控球都唔掂,原因就只有一個,無曬心機,所以我都明白朗尼最近狀態下滑得非常誇張的原因。

小弟呢篇文,有點偏頗朗尼,不過我只是說出我既想法,大家有咩講就盡情管說吧,例如賣左佢啦!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Soki Tsoi
    Soki Tsoi 於 31/10/2015 評論 NO. 1

    迪比係連傳中都傳唔到lo

  • Soki Tsoi
    Soki Tsoi 於 31/10/2015 評論 NO. 2

    最近史高斯講左重點出黎,當然肥仔咩態有目共睹

  • Won
    Won 於 31/10/2015 評論 NO. 3

    佢基本功咁差,而家速度又無埋又愛鳩斬,仲有乜好兜?

  • neilstone
    neilstone 於 31/10/2015 評論 NO. 4

    講真 肥仔波都未控得實 好難對佢有咩期待

  • 博文
    博文 於 31/10/2015 評論 NO. 5

    其實我都對無咩期待咖,只不過我喺覺得雲高爾所用既人,另到個前鋒黎擺設

  • Soki Tsoi
    Soki Tsoi 於 31/10/2015 評論 NO. 6

    依家係侷用肥仔,用又死,唔用又影響軍心

  • Jojostar
    Jojostar 於 31/10/2015 評論 NO. 7

    朗尼逢波都控甩係常識喇哇 one touch Smalling 可能都好過佢

  • Kwok Ping Yim
    Kwok Ping Yim 於 31/10/2015 評論 NO. 8

    朗尼冇態係事實,雲92仲意用佢又係事實,作為曼迷真係黑心D想肥仔傷,讓番個位出來,大把人等住上位

  • 返身戰
    返身戰 於 01/11/2015 評論 NO. 9

    叫佢去死啦

  • LTpassion
    LTpassion 於 01/11/2015 評論 NO. 10

    V92 最鍾意放D,可以打到好多位既球員上場,貪肥仔 前中後都打得吓。
    剩係岩岩場波 前鋒,左翼,box to box 都打過,搞到宜家肥仔真係好「全能」

  • Raylee313
    Raylee313 於 01/11/2015 評論 NO. 11

    朗尼唔走我走吧!

  • Winglok Yeung
    Winglok Yeung 於 03/11/2015 評論 NO. 12

    用朗尼=踢少一個

快捷鍵:←
快捷鍵:→