Reading FC 雷丁 FIFA career mode

Onetwomen 於 08/07/2016 發表 收藏文章

一直都喜歡玩master league / career mode, 砌返隊dream team 都係每個機友既目標吧,所以開左個熱刺玩, 玩professional 電腦又太屎,world class又好勁 (中型班都搓到你死,由其佢lead你一粒,你波皮都掂唔到。。),更加唔想玩legend虐待自己😅,都係keep住玩world class啦。
熱刺哈利簡尼入波都ok, 係速度差d。 艾力臣罰球都可以幾屈機,所以呢三年都keep到歐洲賽資格,可惜球會野心太勁,三年攞唔到冠軍就烏沙不保了。。
後備前鋒安治其實都幾好有速度,最記得佢最後場聯賽成場俾人㩒住黎打一個突擊攪掂攞3分先可以保住個前四😓


呢三年大概買人都係約滿自由簽,呢隻game買人唔係做得咁好,揾人有d麻煩,而大牌球星你出得起錢通常都簽到。transfer listed / free agent 度揾親都係無乜名氣既人,唯一一樣係你想賣既人通常都賣得走。。
賣得最貴既係羅利斯, 67M多謝哂皇馬,不過佢能力去到91最勁時仲升到94。。好龍門難求。。


無班落,大球會又無炒人,又唔想離開英超(其實最尾個季幫熱刺簽左好多勁野返黎。。可惜。。) 咁得雷丁呢支升班馬可以揀,唯有試試啦再招攬d舊部下😂 但球會無錢加上人腳有限,護到級算係咁再到季尾波士文條例簽d勁人黎幫手啦。ter Stagen, traore, kenedy, draxler 等好多都肯加盟,用佢一兩年通常會有大球會挖角咁又賺一大筆😊
簽返黎最強援都應該係33歲既巴爾,能力仲有91,有速度有身位仲有罰球,好彩當時190,000週薪都揾佢過黎啫。黎左三年幫我攞左史上既兩屆聯賽冠軍,亦都係36歲退休了。

育成係career mode另一個吸引既地方,初期練新人有表現的話都賣到ok好價錢,到而家都成為左英超前4常客,練新人就會希望佢地之後會成為球會主力。

馬當拿度幾穩,因為我太屎關係,佢成日都做到最佳球員😓

科蘭算係青訓中最勁既一個

普利 Pouare 係一個經典既青訓代表,能力唔高,但頭2季都入唔少波執唔少雞。最經典係歐聯分組賽最後一場對04,要贏先夠分出線,成場波俾人㩒住打,到89分鐘偷到個單刀機會,睇怕呢個新仔表現咁好都實食無黏牙,好可惜偏偏中柱彈出,轉過頭俾人一個反擊攪掂一分都攞唔到。。而最後應該可以出線變成分組墊底歐霸都無份。。😭


簽人bug真係。。如果你無留意個球員係咪已經俾其他球隊自由簽左,而你又再簽佢的話,咁下個球季你會見到呢個球員,應該出緊你糧,但你用唔到佢😅 唔知個bug fix左未呢


而家去到2028年,終於攞到歐聯了,13年既努力,始終攞唔到雙料冠軍。。可能仲要玩多季了。以下係一d圖同video展示歷史性取得歐聯既經過。


歐聯有時對住唔太強既對手都會試下用新人,但有時代價好大。。試過外圍賽輸左要打歐霸,亦試過分組賽出局。。因為慣人新人,所以聯賽杯足總杯都係佢地既表現機會,但亦係咁多年未捧過呢個杯既主因。。
今屆16強硬碰皇馬,出奇地唔難打,仲攞左2個作客入波,返主場又俾新仔練兵😂
8強對馬賽,呢隊野2年前4強以作客入球踢我出局,今年又係先客後主,又係作客先贏2:0,諗住輕輕鬆鬆主場又用新仔,仲要開波無耐再lead多一粒,定過抬炸彈喇卦,點知下半場66,70,81分鐘倒輸1:3,以為又要出局之際,個20歲既新仔86分鐘係禁區食贏身位近門射入成2:3,僅僅贏一粒出到線,嚇到鼻哥窿都無肉。。4強攪掂左今年食住我攞左英超既熱刺,都算係咁喇。


決賽對利華,睇睇下面既精華啦

https://youtu.be/-5eVparMNlU
其實都贏得好險。。臨尾人地又中柱又炸糊單刀又唔中。。

https://youtu.be/xZZO7oSbfoM


伊卡迪都算係老臣子,應該差唔多踢左十年了,年年產量都好高過20,係今年老左無咁多波入同出場機會少左。而家現實中現役仲踢緊既球員有伊卡迪,馬堅奴斯,疏爾,哈利荷域,干拿治等等。呢年既神射手仲係哈利簡尼,都仲係踢緊熱刺😅



呢兩個老臣子都約滿,諗緊仲續唔續定俾機會新人,因為佢地週薪過150,000鎊😑

新迪馬利亞 😎

新C朗 😂

新大衛路易斯 😆


留言


請按此登錄後留言。未成為會員? 立即註冊
  • Tsz To Gary 於 08/07/2016 評論 NO. 1

    如果老臣子,可能低少少都續到,btw,版主玩到2028堅有恆心,我最盡玩到2022年就開新save

  • Onetwomen 於 17/07/2016 評論 NO. 2

    樓主都分享下丫

快捷鍵:←
快捷鍵:→