迪比離巢 嚴選7位紅魔7號候選人

自從C朗之後，披上紅魔七號球衣既都冇乜運行，華倫西亞、迪比都冇乜表現，奧雲已經算係最好既一個。
黎到今日，就等我地一齊黎睇下邊7位適合繼任呢個傳奇號碼啦！排名不分先後。

*第一位*：基士文
近幾個轉會窗吹得最行既一個，基士文係馬體會既表現深深咁吸引到曼聯既目光，佢地相信以基士文既天賦同能力，將可以繼承簡東拿同碧咸既衣砵，成為振興曼聯一洗頹風既其中一塊拼圖。*第二位*：米希達恩
如果唔想係轉會市場再掟咁多錢出黎既話，米希達恩絕對係一個好既選擇。從多蒙特加盟既佢係季初冇乜上陣既機會，但操大隻左之後既佢係曼聯陣中已經成為具有威脅性既翼鋒之一，佢絕對有能力成為曼聯陣中不可或缺既一份子。
*第三位*：拉舒福特
作為曼聯青訓既佼佼者，如果7號波衫可以由自家青訓黎承擔對各位曼迷黎講絕對係最理想既局面。上季拉舒福特已經展現左佢成熟既球風同不屈不撓既性格，只要佢繼續努力訓練，相信係不久既將來當朗尼退落黎既時候，拉舒福特將會成為曼聯既隊長。
*第四位*：馬迪爾2015年強勢加盟既法國新星係雲高爾統治既年代屢救紅魔，出色既個人技術令球迷眼前一亮，面對利物浦既處子戰以一敵二冷靜燙網仔既埋門叫一班曼迷睇到難以自禁，如果佢能夠甩開煩人既私事，持之以恆咁有好表現既話，佢絕對有能力成為曼聯既新7號。
*第五位*：白蘭度施華
呢位22歲既明日之星吸引到曼聯開價七千萬鎊引誘球會放人，曼聯打算將佢同基士文一齊打包，但就算最終買唔到基士文，會方相信利用7號既波衫有足夠既吸引力將呢位新星收歸門下。*第六位*：皮耶
呢位近期既當紅炸子雞用盡各種方法要求離隊，韋斯咸都冇哂佢符。曼聯就好想得到呢位已經習慣英超既球員加盟架喇，但皮耶本人就想重返馬賽既懷抱。如果紅魔鬼打算係馬賽手上搶人，用7號波衫既吸引力都未嘗唔係一件好事。
*第七位*：基斯坦奴朗拿度
雖然C朗同皇馬已經續約至2021年，但叫C朗回巢既呼聲連綿不絕年年不絕。而事實上，又有邊個比起C朗更加適合著番呢件7號波衫呢？話唔定將來C朗會番曼聯終老，重新披起呢件7號既波衫呢？