【曼阿大戰】紅魔五主將缺陣

踏入十一月，厰迷就期待阿仙奴可以脫離魔咒，而其他球迷就抱住食花生睇失分既心態望住阿仙奴既表演。
國際賽後，曼聯就要同佢地既老對手一決高下。然而，由摩帥領軍既紅魔鬼傷兵雖然未去到上幾年湊夠一隊正選咁誇張，但都對球隊既排陣帶黎一定影響。

第一位唔能夠上陣既係史摩寧，比摩連奴鬧完佢「冇為球隊奉獻一切之後」，今場因為腳傷將唔能夠上陣。缺席呢場曼阿大戰，史摩寧既復出時間表被球會定左係2017年。
第二位係華倫西亞，係曼徹斯特打吡當中整親手既佢目前等候接受手術，到目前為止仲未有復出既時間表。

第三位係爆炸頭費蘭尼，佢係上場贏史雲斯3比1既比賽踢足全場，但當佢去到國家隊報到既時候先至發現原來佢係果場比賽當中整親小腿，唔能夠為國家披甲上陣。目前未知傷勢如何，但就應該唔能夠面對阿仙奴既時候上陣喇。
第四名缺陣既會係拜利，呢位曼聯新援至加盟以黎表現備受認可，但佢係輸比車路士一役當中受傷，而呢個膝傷將令佢缺席呢場對陣阿仙奴既賽事。目前官方並無公開佢復出既時間。

第五位缺席既係伊巴謙莫域，佢既缺陣同傷患就無關既，係因為上場比賽佢拎左今季第五張黃牌，根據英足總既規則需要係黎緊既比賽停賽。



原文

原文

原文