哈特斯菲爾德市鎮升英超之旅

世界球壇俱樂部 於 22/05/2017 發表 收藏文章
相信唔會有太多香港球迷熟識呢隊球隊,但係咁都好正常,哈特斯菲爾德幾季前先由英甲升上英冠,上季排名更處於下遊差點降班。今季哈特斯菲爾德從未跌出頭六名,證明佢地全季一直有能力爭踢英超,最大功勞絕對係新領隊-大衛·華格拿;身為球隊史上首位外籍領隊當然帶來唔少改變。這名前多蒙特助教兼高普嘅最好朋友,防守時運用利物浦高度壓迫戰術,再加上進攻時保持大量控球勸嘅踢法使球隊有效率地踢出高水準足球。
今季新加盟嘅球員方面有從利物浦借回來嘅門將-丹尼·禾特,演出不俗嘅表現;另外再外借咗兩名車路士青訓球員-基斯·帕瑪同艾沙亞·布朗,兩個都成為球隊主力之一;球隊正式買回來三位德國籍後衛已經成為後防嘅必然正選;新加盟嘅前鋒-埃利亞斯·卡春加首季加盟便攻入13球,成為球隊嘅神射手。不過,最突出嘅球員無疑一定係曼城借將阿隆·莫伊,一位資深球迷提及佢時話:「莫伊係我四十幾年內見過最出色嘅哈特斯菲爾德球員。」
其實由此至終哈特斯菲爾德都只係一個細球會,佢地嘅資金同榜尾降班嘅球隊一樣咁少,所以佢地嘅版凳深度一定唔夠勁,好難怪佢地唔可以好似紐卡素同白禮頓咁輕易升上英超。最後,哈特斯菲爾德究竟升唔升到上英超要睇接下來最後一場波先知... 不過,如果佢地真係最終係溫布利輸咗,相信都唔會有球迷怪責球隊,因為球隊可以成功去到呢一個地步,我地呢班球迷仲可以要求更多咩?
「雖然我地好細,但係我地唔驚。」—球迷字。

留言


請按此登錄後留言。未成為會員? 立即註冊
    快捷鍵:←
    快捷鍵:→