史高斯:巴塞拜仁目前實力最強 唯有99年曼聯可以一戰

世界球壇俱樂部 於 28/11/2015 發表 收藏文章
曼聯名宿史高斯退役後經常向媒體評論,句句都語出驚人。近日,佢又對如今歐洲足壇如日中天既兩支球隊——巴塞、拜仁提出自己既睇法,佢認為目前兩支球隊如果係歐冠中相遇,獲勝既應該係實力更勝一籌既巴塞;而談及史上最強球隊,史高斯將呢一票投比當年哥迪奧拿所執教既巴塞。

史高斯認為,今季目前黎睇,巴塞同拜仁呢兩隊實力已經遠遠拋開其他對手。巴塞近日以4:0輕鬆戰勝皇馬,到左歐冠更以6:1大炒羅馬;拜仁同樣亦係勢不可擋,聯賽亦係13連勝,以及歐冠早早提前出線。

不過談及如今歐洲之中最強之隊,史高斯就認為安歷基執教既巴塞當之無愧,而拜仁既實力就最接近巴塞。尤其提到上季歐冠半決賽,巴塞兩回合完勝拜仁,史高斯:“哥陣既巴塞,遠遠勝於拜仁”。

史高斯亦提到因為今季拜仁成功引進杜格拉斯 哥斯達,而令到球隊縮細同巴塞既距離。

雖然史高斯認為如今既巴塞、拜仁既實力已經拋開歐洲其他對手幾條街,但係佢心中有一支球隊或者可以戰勝如今既巴塞同拜仁,就係99年奪取三冠王既曼聯。
史高斯: “好難想像有邊隊可以對抗如今既巴塞同拜仁,但99年既曼聯或者可以。因為我地當時有令人難以置信既鋒線,安迪·高爾、約基、蘇斯克查、舒寧咸,當時佢地對陣任何球隊都有能力入波;仲有傑斯同碧咸,所以當年我地對陣任何球隊都唔輸蝕。”

不過講到邊隊係史上最強既球隊,史高斯認為係當年哥迪奧拿所執教既巴塞。巴塞係2009年同2011年兩次戰勝史高斯效力既曼聯,尤其係11年既溫布萊,費sir所顫抖既雙手令球迷留下深刻既印象。


資料來源:網易體育

By Anthony

留言


請按此登錄後留言。未成為會員? 立即註冊
    快捷鍵:←
    快捷鍵:→