占士有心摩帥無夢?一切只屬單戀!

世界球壇俱樂部 於 17/05/2017 發表 收藏文章
好多外媒最近都報導5月21日曼聯官方就會宣佈簽入皇馬既占士洛迪古斯,但《獨立報》就表示原來一切只係占士希望加盟,但摩帥就對佢興趣缺缺咁話喎!

如果每個傳聞都會分裂成一個平行時空,到底係其他時空裡面舒利亞、托利斯、法卡奧等等既球星會走過啲咩唔同既路呢?而今次傳聞既主角,就係2014年世界盃有驚艷發揮既占士洛迪古斯喇!

作為當屆既神射手、比各大傳媒形容佢比尼馬更加優秀加上一副俊俏既面孔,單憑表現同佢既商業價值足以令世界上所有球會去追逐佢。

最終佢既選擇,偏偏可能係唯一一個佢唔應該選擇既。去到皇馬之後雖然贏到歐駢冠軍,但佢唔單只搵唔到自己既定位,淪為主席佩雷斯既商業祭品之餘,仲阻礙左佢自己既成長。本來佢能夠加盟一支會圍繞佢而建軍既球會,跟隨球會成長而慢慢塑造自己成為世上最佳既球員,但佢依加就被哥倫比亞同基達菲既傳媒所攻擊,情況同2014年既夏天完全相反。

而最近曼聯就同呢位失意既23歲前鋒拉上關係,但有幾間奧脫福既媒就話一切都只係占士一相情願,話最接近簽占士既時間應該係雲高爾仲係曼駢領隊既15/16球季既冬季轉會窗,至此之後董事會都再無認真地討論過占士喇。

2016暑假摩帥接手成為曼聯主帥既時候對占士無興趣,而到呢一刻仍然無興趣既原因係佢唔能夠將占士放係自己現有既體系之中又能夠提升曼聯既表現。

但如果曼聯係黎緊既暑假無辦法簽入基士文,或者占士都會係一個唔錯既選擇。而當皇馬要用上大約六千萬鎊既代價羅致迪基亞,佢地某程度上都會願意用球會黎抵上現金。但曼聯如果真係要交換球員,佢地既選擇應該會係巴爾、卡斯米路或者係佢地最有興趣既卻奧斯。

無論如何,占士先係23歲仔,仲有漫漫長路等緊佢。只過佢未必能夠再負擔起另一次錯誤既轉會選擇喇。



留言


請按此登錄後留言。未成為會員? 立即註冊
  • OhMyGirl_Arin 於 17/05/2017 評論 NO. 1

    占士話無歐聯唔去曼wor 咁都係占士有心?

  • Ryan Yiu 0314 於 17/05/2017 評論 NO. 2

    25歲wor🙈

  • Estyip 於 18/05/2017 評論 NO. 3

    佢唔係屬於中場咩

快捷鍵:←
快捷鍵:→