再兩人離隊!摩帥持續大清洗

世界球壇俱樂部 於 11/08/2016 發表 收藏文章
係曼聯完成自己既收購大行動之後,摩帥開始陸陸續續將唔係佢本年度計劃既球員一一送走,繼麥尼亞同路夫之後,占士威爾遜成為今夏第三位離隊既球員。

呢位英格蘭u21小國腳效力英冠既白禮頓,全季上陣27場,差些小就能夠帶領球隊升上英超作賽。

根據每日星報既報導,富咸將以租借既形式將呢位20歲既曼聯青訓帶入陣中。摩連奴願意提供外借既機會比佢汲取一隊上陣既經驗,而對球員黎講,今季曼聯前鋒有新加盟既伊巴、隊長朗尼、新星馬迪爾同明日之星拉舒福特,係未有實力競爭正選位置既時候都係多啲出去學下野啦!想當年呀師兄連加特都係咁樣不斷外借架咋!
除左占士威爾遜,贊奴沙亦將成為今夏第四位離開曼聯既球員。經過上季外借多蒙特僅半季就被召回,比球會話佢訓練唔認真,亦被雲高爾批評過之後,摩連奴早前更加禁止贊奴沙使用一隊既更衣室。

縱使佢並唔係摩帥既短期計劃之內,但曼聯會方並唔希望佢永久轉會,前曼聯主帥莫耶斯為此同曼聯接觸,而曼聯高層亦認同莫耶斯有咁既能力教好贊奴沙,願意將佢以租借既形式去到光明球場,令佢係曼聯既前途保持一片光明。

如果莫耶斯真係執得正贊奴沙既態度,咁曼聯以自家青訓為骨幹係將來追逐英超既畫面,可能好快又會展現係大家眼前喇。



原文1

原文2

留言


請按此登錄後留言。未成為會員? 立即註冊
  • Francis Hui 於 11/08/2016 評論 NO. 1

    其實費S i R當年在92一代以后都冇青訓上位。每年都往外重金買球星喇,做曼联青訓產品真係吾容易。

快捷鍵:←
快捷鍵:→