曼聯有驚無險地勝出，今場過後聯賽依然排行第5 精選

週中曼聯作客水晶宮有驚無險地以3：1獲得勝利，繼續緊追聯賽排行第四嘅阿仙奴。

後防陣容依然係楊格、史摩寧、連迪路夫以及梳爾。今場後防表現依然出色，下半場水晶宮入球亦不能全怪後防球員。如果防中球員在禁區外可以硬掙啲、果斷啲，可能水晶宮未必入到個球。

麥湯文尼今場發揮不過不失。以佢嘅年齡來講，已經表現得唔錯。只係缺乏經驗，以及上腳攔截嘅時機唔夠好。好多時候上前攔截時，偷唔到個波反而造成身後嘅空缺，為後防帶來一定嘅壓力。半場後，情況得到改善，相信蘇帥在半場休息時提點咗佢。而另一位中場費特，蘇帥開賽前都有講到，強如華朗咁嘅球員都需要時間適應英超，依句說話可能解釋咗費特嘅表現，球迷唔好期待太多，俾啲時間佢。的確，今場嘅表現，費特依然有好多改善嘅空間。 開賽初段，佢顯得比較急進，有幾球遠傳完全搵唔到隊友。之後，穩定落來，傳球成功率漸漸上升翻。佢防守積極，很多時候都看到佢不斷追緊對方球員，但就得個追字，礙於身型，始終沒能搶到個波，如果麥湯文尼又未能及時補位，中後場就會顯得好混亂。
今場蘇帥讓達洛出任右翼，應該係看中佢嘅助攻能力以及防守能力可以協助楊格好好守住沙夏。
“點解唔俾達洛打右衛，而讓楊格打上一格？”
在上半場，楊格留後，比較少上前阻攻，明顯地，蘇帥係顧忌沙夏嘅速度。而達洛明顯速度唔夠，在缺少經驗下，不時走失對手，如果對手打其身後，分分鍾俾沙夏完爆。因此蘇帥依然相信楊格能力係比較強。
只係今場嘅達洛表現麻麻，傳中質量比如期差，幾次傳中都俾對方封堵。而同時佢打前一格後，佢亦都好似忘記自己後衛出身，防守端唔會見到佢嘅身影。 很多時候仲要普巴幫佢補位協助楊格防守。

而普巴七十分鐘前嘅時候，大部分都係出現在右中場。咁嘅安排可能有兩個原因。 一，協助右翼嘅達洛。二，釋放左路嘅山齊士。但係咁嘅安排似乎不如理想。今場看唔到普巴、山齊士爭波嘅情況出現，兼二人多左一些火花。但係山齊士嘅狀態真系麻麻，多餘嘅上腳拖慢左球隊嘅進攻節奏。而普巴在右中場位置亦都失去左輸送砲彈嘅威力。直至2：1後，蘇帥立即用拉舒福德換下山齊士，拜利入替達洛。拜利入替後與楊格位置調換，拜利打右後衛，楊格打右翼，而普巴亦都回到自己熟悉嘅左中場位置同拉舒福德在左路吸引對方球員，為右路嘅楊格爭取更多空間，果然，普巴傳出靚波俾楊格，楊格禁區破門。


綜觀整場比賽，蘇帥嘅戰術部署係成功嘅。有意讓普巴在右路吸引對方球員，從而讓左路空出，梳爾助攻盧卡古入球正正係戰術嘅精華所在。而第二個入球就全憑盧卡古嘅個人射門觸覺及個人能力。當球隊需要佢嘅時候，佢企咗出來，都算係咁啦。仲要係入兩球喔。如果唔係俾對方入返一球，令到形勢有變，相信之前嘅陣形都唔會變。在處於劣勢下，蘇帥不得不換入上場有傷嘅拉舒福德，加強前方嘅控球能力，從而舒緩番後防嘅壓力。而依個變陣亦為曼聯帶來多一個入球而鎖定勝局。


在多名主力缺陣下，仍能贏得比賽，應該值得高興。接落來就係週末對陣修咸頓嘅比賽。希望再下一城啦。