曼聯明夏或10名球員無法續約，明夏將繼續豪購！ 精選

係呢個夏天，曼聯係轉會窗呼風喚雨，一擲千金。然而曼聯既消費熱潮唔會消褪，據英國ESPN消息，係明夏雲高爾將再獲得1.5億英鎊既資金進行轉會。
　　雲高爾係呢個夏天花費接近1.5億英鎊，引入七名新球員，包括創下球會轉會費記錄，花費6000萬英鎊簽下阿根廷翼鋒迪馬利亞，但曼聯既支票簿仲未簽完，為左同歐洲豪強競爭，明夏轉會窗雲高爾仲會獲得一大批預算。有報告表明，曼聯既美國股東對雲高爾式紅魔近來既進步感到滿意，將會提高轉會預算，會效仿皇馬既巨星政策，其目標係保證每個位置上都有一名世界級既球員，呢個想法據說係由球會主席活華特提出。
　　雲高爾會向活華特提交一份目標名單，包括拜仁翼鋒洛賓、多蒙特後衛曉姆斯、羅馬中場史杜特文同馬體會後衛高甸，呢幾個人可以幫助雲高爾建立世界級既後防線，同時都豐富左佢既戰術選擇。據《每日鏡報》報道，萊斯都係雲高爾既目標，雖然拜仁一直對萊斯虎視眈眈。同時，曼聯仲要考慮法卡奧既去留問題，目前老虎屬於租借狀態，簽下佢需要花費4600萬英鎊，咁樣法卡奧既轉會費和之前既租借費總和將超過6000萬英鎊。
　　曼聯從大牌贊助商中取得高額既贊助費，但看似不差錢既紅魔，據報道有多達10名球員無法完成續約，即將離隊。《衛報》和《每日郵報》指出，連迪加特、安達臣、蘭尼、小豆、聰明仔、鮑維、沙夏、占士同米高堅尼等人都可能被清洗。而雲佩斯、楊格、鍾斯、史摩寧同拉菲爾都只剩下一年合同，也許到左明年夏天，主席活華特會忙到焦頭爛額。