英媒曝洛祖只是後備，雲高爾啟動B計劃！ 精選

早早引進左梳爾同靴利拉之後，曼聯用盡九牛二虎之力，先係日前簽下阿根廷國腳後衛洛祖。轉會市場仲剩9天關閉，紅魔引援既壓力無以復加。英國《鏡報》指出，迫於無奈，雲高爾已經開始製定引援B計劃。
後費SIR時代既處子賽季，莫耶斯將曼聯帶到隊史最差既英超第7。無緣歐聯，已然成為曼聯引援既最大障礙。雲高爾欽點既卻奧斯、曉姆斯、華美倫，曼聯一個都無簽到。迫於無奈，雲高爾只得啟動B計劃。曼聯岩岩引進既洛祖，其實只係後備，雲高更為欣賞既目標，乃是曉姆斯以及華美倫。
後防線引援受挫，後腰位置進補同樣不順利，卻奧斯被皇馬搶走，雲高爾宜家將轉攻基迪拉。安察洛堤日前證實，基迪拉已經拒絕左球會開出既新約，《鏡報》稱曼聯有望以1200萬英鎊既經濟實惠價得到德國人，不過曼聯面臨住阿仙奴既競爭，阿迪達腳踝受傷，至少缺陣兩個星期，雲格都希望簽下基迪拉，提高中場硬度。