多蒙特中堅低價轉會曼聯？高普：呢種新聞？垃圾來的！ 精選

上週末多蒙特高層華斯基已經明確表示，REUS同HUMMELS都係非賣品。但本周西班牙既《每日體育報》突然報導稱，英超豪門曼聯好接近簽下多蒙特既主力中堅HUMMELS，曼聯係對球員既競爭中戰勝左巴塞，而且引進HUMMEIS既轉會費只有區區2000萬歐元。係呢個消息傳出後，多蒙特主帥高普立即進行否認。
高普係參加《魯爾新聞報》既“1909黃黑訪談”節目時明確表示，“我可以向大家保證，HUMMELS同REUS都無任何想要轉會既念頭，下賽季佢地都會繼續留下同我地一起踢比賽。今天既媒體又講左咩？HUMMELS去曼聯？轉會費多少？2000萬歐元？咁樣既金額，大家完全可以將呢種新聞當垃圾處理掉。”
的確，HUMMELS目前係德國《轉會市場》網站既估價已經達到3500萬歐元，而且係作為主力幫助德國奪得世界杯之後，佢既身價肯定只升不降。而且目前佢只有25歲，已經係德國乃至歐洲最頂級既中堅，佢同多蒙特既合同都簽到2017年，要想只花20​​00萬歐元得到咁樣一位後防巨星肯定係不可能。難怪德國《體育圖片報》都指出，“西班牙媒體瘋了。”