曼聯提供一份厚薪，新星大機會加盟曼聯！ 精選

根據《Goal》既獨家消息，曼聯將以接近4000萬英鎊既五年合約代價擊敗車路士得到修咸頓既年輕左後衛梳爾。
據悉梳爾已經同意曼聯提出既個人條款，Goal透露呢名球員既周薪將高達16萬英鎊。呢位英格蘭後衛係今年7月先年滿19歲，如果佢最終加盟曼聯將成為世界足壇最高薪既年輕球員。
根據消息，車路士方面係得知曼聯提供如此豐厚既待遇後已經退出梳爾既爭奪，藍軍主帥摩連奴一直好睇好呢位18歲既球員，係高爾離隊後，佢地急切係轉會市場上尋找一位左後衛。曼聯已經為梳爾準備好這一份報價，儘管目前仲未被修咸頓接受，但應該唔會有所阻礙。修咸頓係新帥上任之前應該暫時唔會令梳爾離開，儘管如此，梳爾已經向修咸頓方面明確希望轉會曼聯，所以將有可能成為曼聯今夏既第一個大手筆。
如果梳爾加盟曼聯，佢同艾夫拿將一起競爭新帥雲高爾手下既左後衛正選位置，呢筆交易象徵著格沙拉家族會繼續尋找歐洲最好既年輕球員，以保持曼聯係國內以及歐洲賽事既競爭性。