曼聯再有新帥候選人？費SIR密會德國教頭! 精選

莫耶斯係曼聯慘淡經營，儘管曼聯既高層仍然一致表態支持呢位蘇格蘭少帥既一切工作，然而若論起目前曼聯岌岌可危既形勢，如果唔可以係歐聯16強中逆轉奧林比亞高斯晉級，賽季結束之後都攞唔到一個聯賽前四、進軍下賽季歐聯賽場既名額，恐怕曼聯高層未必有耐心放縱莫耶斯繼續折騰啦。
無獨有偶，來自《每日星報》既最新報導稱，有目擊者證實，現任德國國家隊主帥路維現身倫敦，同曼聯管理層大佬費SIR進行左會面同詳談，並且兩人會面既場景被目擊者拍左落來。費SIR雖然已經卸任曼聯帥位，但係佢進入左曼聯既最高決策層，《每日星報》稱，此次呢兩位大佬之間既會談，好可能就係探討曼聯既未來問題。有來自德國同曼徹斯特方面走漏既消息透露，路維已經被定為曼聯下一任主帥既候選人。
然而，現年54歲既路維勢必要帶領德國隊參加今夏既世界杯，而且佢同德國足協既合同一直簽到2016既歐洲杯結束，所以有關於佢會唔會係下賽季開始之前執掌起曼聯既教鞭，目前一切仲遠未到定論時。值得一提既係，另一位德國名帥，現任多蒙特既主教練高普都係曼聯下一任帥位既候選人，睇來曼聯高層呢一次既選帥目光，一致對準左德國賽場。