曼聯同意出售雲佩斯，若簽下5800萬鎊神鋒就放行！ 精選

歐聯16強戰首回合輸俾奧林比亞高斯後，腳風不順既雲佩斯抱怨隊友搶占自己既位置，佢既曼聯長久生涯再次生疑。英國媒體今日披露，雲佩斯唔會為左1000萬英鎊忠誠獎金留係曼聯，曼聯願意放走雲佩斯，但前提係引進卡雲尼。
 莫耶斯殘酷既訓練手法，令雲佩斯傷病頻發；莫耶斯古板既技戰術打法，令雲佩斯踢得好鬧心。雖然莫耶斯多次重申，自己同雲佩斯關係好好，但咁係有可能係莫耶斯為左穩住軍心而故意掩蓋事實。
琴晚曼聯作客3-0嬴左西布朗，雲佩斯係場上顯得好焦躁，時有惡劣犯規。為左避免雲佩斯染紅，莫耶斯第63分鐘用維碧克將其換下。不過，雲佩斯下場前卻明顯不悅，英媒普遍認為，雲佩斯對莫耶斯好不滿。雲佩斯2012年夏天同曼聯簽訂左一份為期4年既合同，如果佢履行完呢份合同，就將得到高達1000萬英鎊既忠誠獎金。但《星期日鏡報》指出，雲佩斯唔會為左呢筆巨資放棄今夏離開既想法。知情人士透露，只要祖雲今夏開出2400萬英鎊轉會費，並為雲佩斯準備25萬英鎊週薪，咁曼聯就會接受報價賣走雲佩斯。
不過，星期日出版既《人物報》指出，曼聯願意賣雲佩斯，但必須係簽下卡雲尼之後。卡雲尼去年夏天加盟巴黎聖日耳門後，延續左佢係意甲既高進球率。不過，佢唔願意踢邊鋒，有可能係今夏另謀高就。
莫耶斯今個賽季一直係密切關注卡雲尼，雖然卡雲尼身價高達5800萬英鎊，但格拉沙家族今夏準備投資2億鎊買人，曼聯都係有財力收購呢位烏拉圭神鋒。當然，如果曼聯無緣下賽季歐聯，卡雲尼是否願意來曼聯發展，都要打上一個問號。