獲老闆力挺，莫耶斯或遠離下課危機！ 精選

係曼聯輸俾奧林比亞高斯之後，博彩公司下調左莫耶斯將會成為英超下一個被炒掉既教練既賠率。曼聯係歐聯淘汰賽0-2輸俾奧林比亞高斯之後再次遭到羞辱，呢次係曼聯呢個糟糕既賽季中既第11場失利，而莫耶斯既支持者都對佢忍無可忍。
但係，儘管遭受既非議越來越多，曼聯既老闆都係無炒莫耶斯既準備。 《每日星報》既記者被告知危機重重既莫耶斯唔會被解僱，佢會被給予足夠既時間來扭轉曼聯宜家既局面。一位球會資深人士話：“球會全力支持莫耶斯，有關佢要離開既傳言全係胡說八道。宜家只係一個過渡時期，而主教練將會有足夠既時間來重建球隊。”費SIR同曼聯既老闆格拉沙家族最初睇好莫耶斯並俾左佢一份長達六年既肥約，宜家佢地仍然認為佢係呢個位置既最佳人選。正因如此，美國巨富將會係呢個夏天俾莫耶斯2億鎊既轉會預算。
然而，儘管格拉沙家族同CEO活華特都支持莫耶斯，但佢地都無預料到球隊今個賽季既表現會如此糟糕，宜家球隊需要明顯既提升。多蒙特既教練高普都被認為係代替莫耶斯既人選-但顯然格拉沙家族唔係咁諗。曼聯老闆表示左對比賽失利既失望，但同時認為球隊今個賽季既糟糕表現唔會再未來重現。格拉沙家族已告知莫耶斯球隊必須係夏天完成引援之後回到正軌，佢地無法接受曼聯持續墮落下去。
宜家，莫耶斯同活華特既壓力在於為曼聯找尋令其重回頂峰既球員。但如果下個賽季曼聯無法獲得歐聯席位的話，想要吸引球員就會更難。係聯賽仲有11輪既情況下曼聯落後第四名利物浦11分，而球隊爭奪歐聯席位既信心都因為失利進一步惡化。