小豆或今個冬季離開曼聯！ 精選

即將迎來馬達，對於曼聯來講原本係一個好消息，然而差既戰績帶來既影響並唔係一個馬達能夠沖流。據英媒《太陽報》消息，曼聯前鋒小豆已經對後備席厭倦左，佢希望能夠係冬季轉會期離開曼聯！
倘若雲佩斯同朗尼都保持健康，或許小豆仲唔會有太多怨言，如今兩大神鋒都作壁上觀，小豆都係踢唔到主力，只能眼白白睇著韋碧克一次次揮霍機會。諷刺既係，最近2場比賽，都係佢後備登場完成左入波。尤其係聯賽杯對新特蘭既比賽，小豆係最後一分鐘射入一球一度將曼聯從死亡邊上拉返來，可惜12碼大戰都係輸。而曼聯既主力韋碧克，連12碼既機會都揮霍左。
出場順序排係韋碧克之後，咁或許先係小豆最嬲既一個原因，馬達既到來都令佢相信曼聯願意放佢離開。
今個賽季小豆出場左35次，但只有10次係正選，多數時候佢都只係係最後二三十分鐘先有機會。世界杯既臨近都令佢為自己既職業生涯有更多考慮，如今佢同曼聯既合同仲有2年半到期，曼聯希望係佢身上至少得到1500萬英鎊。