香川真司私下告知隊友冬季或離隊！ 精選

經歷左賽季初既動蕩之後，曼聯目前漸漸走上左正軌，隊內和諧聲一片，但其中就唔包括香川真司。新帥莫耶斯執掌紅魔教鞭後，香川係曼聯隊內既地位趨於邊緣化，坐板凳都係常有既事情，咁令香川真司接受唔到。據《每日鏡報》爆料，唔願意做後備既佢已經係私下同隊友透露自己可能會係冬季轉會期內離開曼聯，到一支可以踢到主力既球隊效力。
 曼聯又贏左波，但香川就唔高興，因為呢一次佢又係後備出場，況且如果唔係拉菲爾、伊雲斯、聰明仔三人都係上半場受傷既話，香川可唔可以有出場時間又係兩件事來。有一點係毫無疑問既，今個賽季突起既贊奴沙已經力壓香川獲得左莫耶斯既親睞，香川既球風並唔入莫耶斯既法眼。相比於上賽季既費SIR，莫耶斯對香川並唔係太好。
百無聊賴既板凳生活令香川好傷心，再加上明年係世界杯年，急於係國家隊主帥前證明自己既香川真司已經有走人之心。 《鏡報》透露香川已經將自己希望走人既態度私下同自己既隊友講左。香川希望離開曼聯可以令佢脫離目前既窘境，係新既球隊可以獲得穩定既出場時間。
若長時間係曼聯坐板凳，香川明白自己係日本隊內既正選位置好有可能不保，24歲既佢深知唔可以用自己既未來做賭注。香川唔願意係曼聯呢一棵樹上吊死。至於香川若真係離開曼聯，追逐佢既球隊肯定唔會少，老東家多蒙特肯定會係其中，而香川本人都傾向於返德國踢波。贊奴沙既表現令香川睇唔到係曼聯重新出頭既機會。想想2012年7月份既時候，香川以1700萬英鎊既價格空降曼聯係何等既意氣風發，而如今落到此番田地係邊個都諗唔想到架，香川曾為此努力過，曼聯都需要佢既組織能力，但係結果總係令人失望。 《鏡報》表示有贊奴沙係到，香川真司好難再出頭。
今年夏天既時候，多蒙特就曾想將香川真司帶返德國，最終就不了了之。而到左冬季轉會敞口開啟之時，多蒙特必定會“捲土重來”，對香川發起新一輪既攻擊，就睇曼聯願唔願意放人。另外，德甲球隊禾夫斯堡都係此前表態將追逐香川真司。顯然，日本球星並不愁無下家。