曼聯尚未同朗尼展開續約，明夏或賤賣朗尼！ 精選

英超連續兩個主場，曼聯僅僅係西布朗同修咸頓身上攞到1分。此刻，主帥莫耶斯既麻煩事仲真係不少，除左要盡快提升成績，佢仲得盡快搞定朗尼既續約。英國媒體今日披露，曼聯係呢方面似乎顯得好拖沓，時至今日都尚未同朗尼既經紀人取得聯繫。
 
朗尼目前同曼聯既合同，仲剩20個月就將到期。今個賽季佢狀態大勇，按照常理，咁對於續約談判應該會係好大既助推。但事與願違，《每日郵報》披露，曼聯尚未邁出續約既第一步，佢地仲未曾接洽朗尼既經紀人。
如果曼聯遲遲唔肯有所動作，咁就面臨住低價轉讓朗尼既風險。今年夏天，曼聯費勁千辛萬苦，抵擋住左車路士同阿仙奴對朗尼既挖角。但時間唔等人，曼聯只有盡快同朗尼續約，先可以重新掌握主動權。否則到左明夏，朗尼合同只剩一年，佢既身價就會大幅萎縮。屆時曼聯好可能不得不賤賣朗尼，以避免一年後人財兩空。
朗尼同曼聯續約，目前睇來最大既障礙，或許係球員同費SIR既關係。費SIR今夏退休後留係曼聯擔任董事，仍然係朗尼揮之不去既陰影。費SIR係日前重申，朗尼確實係上賽季末提出左轉會申請，但係朗尼一直堅稱老爵爺係誤解左佢既意思，師徒二人都因此生隙。朗尼係日前表示，佢之所以想走，就係因為費SIR總係令佢踢中場。目前情況來睇，朗尼同費SIR既關係並無緩和既跡象。而係下週，費SIR既新書將上市。 《每日郵報》預計，書中費SIR好可能會再次提到朗尼要求走人既往事。咁對於二人重歸於好肯定唔會有任何好處。
當然，朗尼續約都有積極之處，就係佢好享受係莫耶斯麾下踢前鋒既感覺。朗尼如今都搵返左最佳狀態。首席執行官活華特之前表示，留住朗尼係曼聯既重中之重，佢承諾會係今個賽季為朗尼開出一份全新既長約。只不過目前睇來，曼聯既動作似乎遲緩左少少。