朗尼：我上季係好唔開心，宜家我好開心！ 精選

今夏差點啲出走既朗尼首次公開承認，佢上賽季不開心並且同費SIR關係鬧僵係因為費SIR要佢踢中場。
儘管呢個係已經公開左既秘密，但朗尼就係第一次親口講出來。係上賽季最後幾場比賽，朗尼甚至被費SIR以遞交轉會申請為由放係冷板凳上，並導致左今夏沸沸揚揚既轉會傳聞。不過，朗尼並無提及費SIR既名：“我知道上賽季唔係我表現最好既一個賽季。但當時係因為我經常要踢唔同既位置。我覺得我無得到連續踢前鋒既機會。”
“有時當你唔可以連貫踢果個位置時，你好難去適應。有時就係咁樣。我無得到連續踢前鋒既機會。其實，我覺得我踢中場都踢得唔錯，但我唔想踢中場。係過去，我踢其他位置都無問題，但我覺得我宜家理應踢前鋒，但係無發生過。我認為那果個​就係令我非常失望既原因，因為我被告知我必須要踢中場，但我唔想踢中場。”
“當然，我一直想要以球隊為重，但我認為係我既職業生涯中總會去到咁樣一個階段，我必須要自私，真係架，自然咁，我好失望，咁都影響左我係比賽中既狀態。我可以踢中場，或者係等我老啲之後，速度無咁快，我可以踢中場。如果係比賽最後10-15分鐘，我地需要回收既時候，我被要求踢左路或者中場，我都會咁樣做。”“我唔會公開拒絕咁樣既戰術，我無講過我唯一既位置就係中鋒，但我都想踢兩個前鋒中既一個。宜家莫耶斯來左，佢俾我踢前鋒，我非常享受。”最後一句話先係最關鍵，唔知道咁係唔係意味住朗尼已經回心轉意留隊，咁先係曼聯球迷最關心既事情。