卡域克答球迷問題：我最好既地方係冷靜！ 精選

卡域克近日抽出時間回答曼聯官方TWITTER上球迷既問題，問題既種類千奇百態​​，以下為詳細問答內容：

作為球員，你認為目前為止自己最豐收既時刻係幾時？仲有生活中呢？

我覺得贏得我第一個冠軍同第一個歐聯冠軍既時刻非常偉大，仲有我係英格蘭既處子秀。係生活中我宜家有兩個孩子，呢個感覺都好特殊。

如果你宜家要前往一個荒島，而且只能帶3樣野，咁你會帶咩？點解？
一個枕頭、一包糖同我家人既照片。如果直接帶上家人咁就最好，否則我會帶張全家福。

如果你可以再踢一場之前係曼聯已經踢過既比賽，咁會是邊一場？

莫斯科既歐聯決賽，每件關於果場比賽既事都好好，天氣、開波時間、最後既感覺等等……諗起我都就喊！

用一個詞描述一下多年來同史高斯一齊踢波既感覺……

高興，好鬼高興。

你最喜歡曼聯球迷唱邊首歌？
除左我自己？咁就應該係我第一年來到呢到時聽到既“犘連奴，你係到聽嗎？”。

係英格蘭境內，除左奧脫福，你最喜歡既球場係邊座？

我喜歡聖占斯公園球場，因為我來自紐卡素。我都喜歡酋長球場。

你認為你可以好似傑斯咁樣踢到40歲？

40歲太難啦！我唔知道我可唔可以做到，傑斯做到左啦，你宜家只能一年一年咁來。

你認為自己最大既優點係咩？

我認為我最大既優點係冷靜，我唔會太情緒化，從提高自己既角度講，我一直都渴望學習，因為學無止境。