費SIR退休後首談朗尼表現，英媒：費SIR修補同朗尼既關係！ 精選

眾所周知，朗尼之所以係今夏鬧出轉會風波皆因上賽季費SIR將佢棄用，甚至仲宣布朗尼已經向曼聯提出轉會申請。琴晚，退休後既費SIR首次共公開稱讚朗尼狀態回勇，英媒普遍相信費SIR此舉為修補同朗尼既關係​​，畢竟​​宜家費SIR仍係曼聯既人。
因為雲佩斯既到來，費SIR上賽季唔再令朗尼踢主力前鋒，咁都令朗尼非常不滿。到上賽季最後幾場比賽，費SIR甚至乾脆將朗尼雪藏，並且公開宣稱朗尼已經提出轉會申請，雖​​然後來朗尼同曼聯都否認此事，但都導致左朗尼係一整個夏天既轉會風波。甚至有消息指，即使莫耶斯宜家成為曼聯新帥，但朗尼仍擔心費SIR有足夠能力影響曼聯更衣室先堅持要離隊。
幸好，係經過兩次傷病打擊後，朗尼慢慢搵返狀態，並且接連係聯賽對水晶宮同歐聯都有入波，成為曼聯史上第4個攻進200球既人。而係上週末，退休後費SIR都首次重返曼聯看波，親眼見證左被佢一手“廢掉”既朗尼攻入一個精彩既波。
費SIR話：“朗尼既表現好極。我好高興睇到呢一點。佢已經搵返左佢既能量，搵返佢進攻既決心，對我來講，呢個係非常鼓舞人心。作為一個董事，我非常高興睇到呢一點，佢又係果個令我地無比熟悉既朗尼。我地將會有好大機會奪冠，因為雲佩斯同朗尼能夠幫助你贏任何比賽。”