曼聯為朗尼搵替身，莫耶斯相中維拉野獸！ 精選

岩岩關閉既夏季轉會市場，曼聯僅僅引入左小將華利拿同費蘭尼，顯然無達到球迷既預期。明年一月既冬窗，莫耶斯同執行副主席活華特仲有好多工作要做。本週一出版既《每日鏡報》獨家披露，莫耶斯已經開始為朗尼離隊做預防工作，佢有意用維拉射手賓迪基來取而代之。

呢個夏天，曼聯一直係到抵禦車路士對朗尼既攻勢。藍軍兩次報價都係遭到拒絕，莫耶斯一直堅稱朗尼為非賣品。車路士最終知難而退，轉而收購左摩連奴既愛將伊杜奧。不過，朗尼既合同仲有兩年，佢會唔會續約目前仲係一個未知數。費SIR下個月上市既最新自傳，好可能激化師徒二人既矛盾。費SIR留任曼聯擔任董事，咁都成為朗尼續約既一大潛在障礙。
暫時留住朗尼，並唔代表一勞永逸。莫耶斯好清楚呢個道理，佢必須要做萬全既準備。 《每日鏡報》指出，莫耶斯已經有左佢既真命天子，佢就係維拉鋒霸賓迪基。莫耶斯將佢視為紅魔未來既9號。
賓迪基上賽季係維拉表現唔差，佢身材魁梧衝擊力驚人，莫耶斯對佢情有獨鍾。莫耶斯認為，如今曼聯既鋒線缺乏高度既力度，賓迪基咁樣既“野獸”正正係曼聯需要。賓迪基今夏曾遞交轉會申請，但係好快維拉就用一份60000英鎊既周薪同佢續約。想必維拉主帥都好清楚，維拉恐怕終究留唔到賓迪基。