活華特將受問責,格拉沙家族:點解買唔返C朗?

曼聯聯盟 於 08/09/2013 發表 收藏文章
費SIR退休令曼聯蒙受巨大損失,紅魔仲遭遇到另一重打擊,就係首席執行官基爾係今夏卸任,佢將出任英足總副主席以及歐足聯執委同歐足聯俱樂部資格委員會主席。基爾空缺既職務,由執行副主席活華特接替。
費SIR同基爾呢對黃金搭檔,顯然莫耶斯同活華特無辦法頂上。係今夏既球市上,曼聯並不匱乏資金,但係引援操作就接連受挫:收購堤亞高被拜仁截胡,幾次報價法比加斯均遭到巴塞拒絕,佢更係表示唔驚收到紅魔三倍工資都唔會加盟。係夏窗關閉前既最後幾分鐘,曼聯先以2750萬英鎊簽莫耶斯既舊將費蘭尼。
曼聯今夏接連敲定左幾個贊助合同,並且開通左社交網絡,呢個就係活華特係商業上既業績,但係球市操作上,佢呢個門外漢就係慘不忍睹。 2800萬英鎊打包報價費蘭尼同拜恩斯,唔單只被愛華頓諷刺為報價“可笑極具侮辱性”,都遭到業界既廣泛質疑。曼聯係最後關頭簽下費蘭尼,但如果紅魔係7月底出手,就可以少出400萬英鎊買斷佢既合同。活華特自己都承認,佢係球市上既運作係失敗。
《鏡報》表示,曼聯今夏既球市操作,令老闆格拉沙好嬲。美國佬將會問責轉會負責人活華特,要求後者俾出講法。格拉沙好想搞清楚,點解曼聯買唔返C朗、法比加斯頂級目標,點解紅魔係追逐球員既過程中就屢屢受辱。

留言


請按此登錄後留言。未成為會員? 立即註冊
    快捷鍵:←
    快捷鍵:→