費蘭尼欲加盟曼聯,主帥馬天尼斯表示唔可能確保每位球員留隊!

曼聯聯盟 於 24/08/2013 發表 收藏文章
英國《獨立報》披露比利時中場費蘭尼已經決定離開愛華頓加盟曼聯,而愛華頓主帥馬天尼斯雖然表示會盡力留人,但都唔能夠保證可以留住費蘭尼。
求購堤亞高同法比加斯失敗之後,曼聯重新瞄準愛華頓雙星拜恩斯同費蘭尼,為兩人報價2800萬英鎊。紅魔為費蘭尼送上既報價為1600萬英鎊,但愛華頓炮轟曼聯既報價係「可笑而且具有侮辱性」。不過據悉費蘭尼已經決定加盟曼聯,因為佢擔心明年世界盃後身價大幅上漲,阻斷其登陸豪門既機會。
《獨立報》稱雖然費蘭尼想走,但佢唔太可能遞交轉會申請。愛華頓主帥馬天尼斯表示佢地唔急需要錢,亦唔會被迫出售費蘭尼,但佢地都唔能夠確保留到人:「冇人可以保證9月3日前一名球員仲效力愛華頓,就好似你唔能夠保證每個球員都健康一樣。如果我話我可以保證佢地留低,依個就係大話,因為如果皇馬決定開價1億歐元,我肯定阻止唔到。我地要現實,我唔想失去任何人,而愛華頓亦唔會因經濟問題出售球員。可能其他時候,年景唔好時,你會接受報價賣人,但唔會係依加。」

留言


請按此登錄後留言。未成為會員? 立即註冊
  • micmic37 於 25/08/2013 評論 NO. 1

    第二幅圖,藍衫球員咁矮嘅?幻覺?

快捷鍵:←
快捷鍵:→