愛華頓主帥馬天尼斯親口證實曼聯放棄拜恩斯,同時費蘭尼既價格將會升到3000萬鎊。

曼聯聯盟 於 15/08/2013 發表 收藏文章
曼聯今夏仍然未有新既引援,而最新消息指出,曼聯已經放棄引入愛華頓左閘拜恩斯,而且係愛華頓主帥馬天尼斯親口證實。
自從莫耶斯轉投曼聯後,英媒一直炒作佢想將昔日兩大愛將拜恩斯同費蘭尼帶到奧脫褔,而喺6週前,曼聯亦都的確向過愛華頓報價1200萬求購拜恩斯,但遭到拒絕。如今,愛華頓新主帥馬天尼斯宣布,曼聯已經放棄引入拜恩斯。
馬天尼斯表示:「喺我地去奧地利備戰新球季前,一間球會官方接觸左我地並且報價,而果次亦都係最後既報價,而且佢地既報價距離拜恩斯真實價值太遠,故事就此結束。但之後依然有好多猜測,咁就係轉會市場,從此再冇球會或者任何人報過價,我地亦都開始備戰新賽季。」
的確,曼聯依加有好多個球員可以踢左閘,正選有艾夫拿、後備有畢特拿同法比奧,有咁多就冇必要花大量金錢買一個28歲既拜恩斯。與此同時,《鏡報》仲披露,愛華頓已經開始考慮將爆炸頭費蘭尼賣掉,依名比利時中場2300萬鎊毀約金條款已經到期,屆時球會既要價將會升到3000萬鎊左右。

留言


請按此登錄後留言。未成為會員? 立即註冊
  • Tsz Kin 於 15/08/2013 評論 NO. 1

    唔好用個癈人同爆炸頭比

  • TangManTo 於 15/08/2013 評論 NO. 2

    唔值,睇下仲有無其他人選;時間亦係個問題。

快捷鍵:←
快捷鍵:→