曼聯向朗尼發出最後通牒，莫耶斯或繼續封殺朗尼！ 精選

曼聯唔會容忍朗尼既轉會風波再持續落去，週四出版《鏡報》披露，曼聯已經向朗尼發出最後通牒——一係提出轉會申請，一係效忠曼聯，否則的話，佢會繼續錯過曼聯所有比賽。
該報披露，曼聯會繼續堅持對朗尼既強硬立場，莫耶斯已經明確指出，係朗尼無決定去向之前，佢唔會再參加曼聯任何一場比賽。其實，從上賽季最後幾場聯賽開始，費SIR就開始封殺朗尼。等到莫耶斯上任後率領曼聯飛往亞洲踢熱身賽時，朗尼又係訓練中受傷並提前回國，加上前幾日因肩膀傷錯過曼聯既瑞典熱身之旅，朗尼已經三個月無為曼聯踢過任何正式比賽，只係訓練短短一周並且踢左曼聯同貝迪斯既一場關門比賽既45分鐘。
《鏡報》披露，其實朗尼好想參加週五里奧既紀念賽，但即使係咁一場無關緊要既比賽，莫耶斯都唔會俾朗尼參加：“我唔認為佢已經做好左比賽準備。”換言之，朗尼都唔會參加本週末既社區盾比賽，都好有可能錯過英格蘭下週同蘇格蘭既友誼賽。
《鏡報》指出，目前朗尼既情況非常尷尬——留隊，莫耶斯已經明確表示，朗尼仍會係雲佩斯既後備；如果提出轉會申請，宜家只有車路士求購，而曼聯又絕對唔會將朗尼賣俾同聯賽爭冠對手，如果皇馬巴塞唔出現，朗尼會更加尷尬。據悉，曼聯已經明確告知朗尼，一係提出轉會申請，一係公開表態效忠曼聯，徹底結束呢場轉會鬧劇。莫耶斯希望朗尼能夠冷靜審視目前既形勢，並作出正確既選擇。日前，莫耶斯已經明確表示，佢唔會勸任何人為曼聯踢波。 《鏡報》最後指出，莫耶斯會俾朗尼幾日時間好好考慮，然後再次坐低同朗尼談談，並且促使佢向球會同球迷表明立場。