曼聯用3500萬鎊再買費比加斯 比基:曼聯唔好再浪費時間 精選

曼聯用2590萬鎊(3000萬歐元)報價費比加斯被拒絕之後,曼聯系22號將報價提升到3100萬鎊,但係得到既答案都係no...英國媒體23號指出,紅魔唔會就咁放棄,佢地準備緊第三波攻勢,睇下3500萬鎊能唔能夠令巴塞動心...

有媒體分析,系巴塞新帥未就位之前,巴塞唔會輕易賣費比加斯,因為佢地要睇下新帥有無將費比加斯納入球隊計劃之中....呢個講法系琴日得到左驗證,曼聯執行副主席活華特親自送上3100萬鎊既報價單....要知道,呢個價位已經打破左貝巴保持既3075萬鎊轉會費紀錄,但巴塞都係一口拒絕...
《每日鏡報》指,巴塞主席羅素已經寫信比曼聯,話費比加斯仍然係"我地計劃中好關鍵既一環"..曼聯舊將,費比加斯既巴塞隊友比基亦都警告舊東家,"曼聯買費比加斯係系度浪費時間.."

費比加斯之前歷經千辛萬苦先可以系阿仙奴返去巴塞,比基話,"費比加斯等左好長既時間先能夠實現夢想,番去巴塞,佢唔會輕易放棄巴塞...呢度係佢既屋企,佢既家人都系度,系巴塞,佢可以同最親密既朋友一齊踢波..佢已經同我地講,佢好開心,佢打算留系巴塞..."
即使係咁,莫耶斯對費比加斯仲係志在必得,"當你睇中左一位好球員,你就會利用一切機會令到呢個計劃實現...我就會咁樣去做..."引用《每日郵報》既說話,莫耶斯已經將買費比加斯當作為一項“使命”....


By Anthony