費查未能趕上新球季開局，而車路士則認為簽入朗尼只係時間問題！ 精選

今年1月，曼聯中場費查因潰瘍性結腸炎需要進行手術，經過漫長既等待，依位蘇格蘭國腳表示自己正努力嘗試返回賽場，但就會錯過新球季既開局，因為仲需要啲時間去恢復。
喺過去依五年，費查一直遭受潰瘍性結腸炎困擾，佢已經經歷左三次手術，怪病纏身令依位蘇格蘭國家隊隊長長期缺席曼聯比賽。費查一直擔任曼聯主力中場位置，當史高斯正式退休後，佢亦都會成為莫耶斯最大既期待。

但費查喺接受採訪時表示自己希望早日返回賽場上，但至今身體仍然好虛弱，需要時間恢復，所以趕唔上新球季既開局。 」我已經患上瘍性結腸炎五年喇，近三年呢個病嚴重影響我日常生活，更唔好講踢足球。藥物治療並冇明顯既效果，只能進行手術，先可以繼續我既足球生涯。進行手術之後身體恢復得唔錯，我亦都會進行恢復性訓練，爭取早日上場比賽。」
另外，今日《每日鏡報》就報導左朗尼既最新轉會消息，報導指車路士認為今夏能夠簽下曼聯前鋒朗尼，並且將會喺8月27日英超第2輪曼聯主場對陣車路士之後，雙方先能夠完成轉會。
今夏關於朗尼既轉會消息已經紛紛擾擾，喺莫耶斯確認朗尼新賽季只能做雲佩斯替補後朗尼已經決心離隊，有媒體披露朗尼已經向曼聯正式提出轉會申請，而車路士都被公認為朗尼既下一站。雖然正率領藍軍眾將亞洲行既摩連奴尚未對引入朗尼發表言論，但《每日鏡報》指出摩連奴對依筆交易早就胸有成竹。
其實，車路士早已摸清左曼聯心理價位，藍軍堅信只需開出3000萬英鎊既報價，紅魔就會放走朗尼。 《每日鏡報》仲認為，曼聯將會喺8月27日後先會放走朗尼，因為新賽季第2輪曼聯將主場對陣車路士，若提前比朗尼加盟藍軍，佢就將會身著藍色戰袍回歸奧脫褔，必定令莫耶斯帶黎巨大壓力。