霸氣防中違約金條款臨近作廢，曼聯係買就快喇！ 精選

據《每日鏡報》報導，曼聯同阿仙奴想要簽入愛華頓球星費蘭尼只係得番大概一個月既時間。
費蘭尼2350萬鎊既解約條款將於8月14日到期。費蘭尼依加仍然有3年合同在身，一旦解約條款作廢，愛華頓就會為依名25歲中場標價3000萬鎊。費蘭尼2011年同愛華頓續約時，正正係現任曼聯主帥莫耶斯堅持要為解約金條款增加作廢時間。 2009年被曼城挖列史葛之後，莫耶斯希望類似情況唔再發生，然而為左自己能有得到更多時間尋找費蘭尼既替代者先會作出咁既決定。
一位消息人士話：「費蘭尼尊重自己既合同，佢係一位好有職業道德既球員，依加佢既未來取決於球會如何作出決斷。」莫耶斯必須盡快決定應唔應該加緊追逐費蘭尼，有報導稱拜仁即將劫走紅魔既獵物堤亞高。除左費蘭尼之外，莫耶斯仲有意從愛華頓挖走昔日愛將拜恩斯。而阿仙奴都非常關注費蘭尼，但槍手正集中精力尋找前鋒，佢地既目標包括皇馬既希古恩、曼聯既朗尼同利物浦既蘇亞雷斯。
想要簽下費蘭尼，阿仙奴同曼聯就要抓緊時間，尤其係兩隊正喺好遠既亞洲備戰新賽季。費蘭尼同拜恩斯目前則同愛華頓一齊喺奧地利訓練。