梅倫史甸否認被炒，雲佬直言莫耶斯下季必須帶領紅魔奪冠！ 精選

曼聯一線隊教練梅倫史甸否認自己已經被曼聯炒魷魚，另外雲佬則表示莫耶斯必須迅速為紅魔奪冠。
日前有傳聞稱，曼聯一線隊教練梅倫史甸會同費蘭、艾歷史迪尼一樣被莫耶斯炒魷，因為莫耶斯希望組成自己既教練班子，但梅倫史甸否認依個說法，並稱佢會喺7月1日如期向曼聯報到。
當曼聯宣布莫耶斯成為新領隊冇耐，曼聯就宣布費格遜昔日兩大助手——助教費蘭同門將教練艾歷史迪尼都會離開曼聯，莫耶斯明確表示，佢希望組成自己既教練班子。隨後，英媒又繼續披露，另一世曼聯教練梅倫史甸都會被莫耶斯炒掉，或者要佢讓出一線隊教練既位置，但梅倫史甸已經否認左依個說法。
正喺到度假既荷蘭教練梅倫史甸對荷蘭足球雜誌《ELF Voetbal》話：「到目前為止，我會喺7月1日回去報到。我同曼聯仍舊有合同，我冇辭職，亦都冇被曼聯炒掉，我仍舊係佢地其中一位成員。」
與此同時，岩岩宣稱朗尼若想走就走既曼聯舊將雲尼斯達萊指出，莫耶斯接班費格遜一定要馬上率領曼聯奪冠，無論係足總、英超定係歐聯都好。雲佬話：「你必須帶領曼聯喺所有比賽場上出擊，唔理邊個係領隊都好，有好多人都好期待佢得到成績，莫耶斯唔需要因此感到驚奇，因為無論咩人都期待奪得一個聯賽冠軍、一個足總盃冠軍或者係歐聯冠軍，並且仲會希望球隊踢出漂亮既足球。」「壓力從一開始就會非常大，但佢都知道佢即將要面對既挑戰。」的確，雖然莫耶斯率領小本經營既愛華頓做得唔錯，但畢竟佢從來都未率隊奪過任何冠軍，但去到曼聯，連費格遜一年冇奪冠都會有壓力，何況係莫耶斯。