莫耶斯欲留朗尼繼續一齊工作 精選

《衛報》報導指，莫耶斯希望能夠令朗尼留低，而且依位曼聯新領隊對於說服朗尼留隊亦都好有信心。

喺上個月朗尼就會見過費格遜，商談自己喺曼聯既前景。朗尼就表示如果唔可以經常有正選位置踢，今夏就好可能離隊。今季朗尼並唔經常踢自己就熟悉既前鋒位置，二月份曼聯主場對陣皇馬既歐聯16強中甚至被棄用。朗尼同費格遜既會面係發生喺爵爺宣布退休之前，然而自從莫耶斯繼任以來，朗尼既前景亦都唔被睇好。朗尼於2002年開始自己既愛華頓生涯，當時正正係莫耶斯執教，如今依位前鋒願意繼續留喺曼聯同莫耶斯開始新既合作。

其實，莫耶斯本人好希望將朗尼留低。朗尼既合同仲有兩年，通常依啲都係傾續約既時候。如果朗尼決定留隊而且仲要求30萬鎊既週薪，咁樣只會令續約談判更加困難。雖然曼聯堅持朗尼係球隊非賣品，但如果莫耶斯未能勸服佢留隊，咁既話雙方而言最好既結局就係和平分手。但如果轉會的話，最困難既係冇一個買家能夠接受曼聯4000萬鎊既標價同朗尼既週薪，但唔排除曼聯可能最終會接受2500萬鎊左右既報價。

其中消息指車路士對朗尼有興趣，並願意用2500萬鎊將其收購。令外今季巴黎聖日耳門都公開聲稱對朗尼有興趣。