曼聯三巨頭密談朗尼去留，莫耶斯：有信心令朗尼留隊 精選

儘管費格遜仲要帶領曼聯作客西布朗，但其實今個賽季都差唔多劃上句號，此時此刻既費爵爺只會享受佢作為曼聯領隊最後既時光；對於莫耶斯而言，儘管佢仲要率領愛華頓踢車路士，但其實所有事都好快結束，車路士已經獲得歐聯資格，愛華頓就鎖定第六名，作為曼聯新領隊，佢將要開始考慮系奧脫褔既事務，就算佢7月1日先會正式上任。而今日英國媒體《太陽報》爆料，當地時間5月13日上午10點左右，曼聯兩任主帥以及老將傑斯三人進行一次會面。

英國媒體《太陽報》介紹，這次會面地點係系柴郡既一間酒店，莫耶斯、費格遜以及傑斯，呢三位系酒店到探討左接近個半鐘​​，一位目擊者稱，三人對此次會面都保持低調，並唔希望外界得知依次既談話。而報導就指，因為會話之後莫耶斯系劍橋大學演講時講到左朗尼，更稱朗尼係世界上最出色既球員，莫耶斯話：「朗尼係最後一個系街頭成長既足球明星，佢依加已經係世界上最偉大既球員之一。」《太陽報》因而斷言，莫耶斯、費格遜以及傑斯等三人既密談內容，肯定係有關朗尼既去留。

眾所周知，莫耶斯儘管係朗尼既恩師，但師徒兩人關係並唔算太好，其原因就係因為朗尼2007年出版既自傳，入面涉及到關於莫耶斯既一啲爭議，兩人甚至一度鬧到法庭上，2010年朗尼先向莫耶斯道歉，私下達成和解，可能呢個原因，當傳出莫耶斯接班費格遜之後，朗尼先提出離隊申請。但考慮到朗尼對於曼聯既重要性，即將上任既曼聯主帥莫耶斯打算首先低頭，希望令佢打斷今夏離隊既念頭，據悉莫耶斯系劍橋大學既演講時，自曝佢已經有解決同朗尼相處既辦法。

「我希望自己能夠再成熟一啲，當然我覺得自己能夠解決依件事，因為我曾經處理過同樣既事，而且比起今次既事件複雜得多。」莫耶斯系劍橋大學演講時話， 「當然，同偉大球員一齊工作係一件夢幻既事。」
而且英國媒體《每日郵報》爆料，莫耶斯將會系下星期同朗尼會面，好有可能係關於佢既合同問題，因為朗尼同曼聯既合約僅剩兩個賽季，如果今夏唔續約、都唔打算出售朗尼，雖然咁樣曼聯可能會陷入被動，但無論點樣，按照曼聯新帥莫耶斯既想法，佢既第一選擇係盡力將朗尼留下。