奪冠之日球員們的感想，感激領隊不盡！ 精選

當系曼聯主場奧脫褔高舉英格蘭超級足球聯賽冠軍獎盃之後，曼聯球員就紛紛講出自己既感想。


史高斯：

「咁好既日子入面，我地最重要既就係贏得比賽，今晚我地將會慶祝，希望未來既日子入面，曼聯球員能夠繼續奪得更多冠軍獎盃，我覺得今日自己可以完成比賽，感覺唔錯。費格遜既演講講得好好，系曼聯入面佢有非凡既成就，我覺得對自己而言，依加離開係最合適既時候，雖然今個賽季，我對個人表現唔算太滿意，但我地最終都能夠贏得聯賽冠軍，我覺得今日係美好既一日。」

雲佩斯：

「好明顯，由於費格遜既退休，今日奧脫褔既氣氛會更加感人，能參與咁特別既日子，感覺好美妙，費格遜對我球員生涯有巨大既影響，難以用言語表達，可能要系佢離開我地幾年之後，先會明白到佢既影響力到底有幾巨大！費格遜總係可以令自己既球隊發揮出最大既威力，無論輪換陣容，定係激勵隊員！」

伊雲斯：

「贏得冠軍，對我黎講，就等同於贏得世界，冇任何野比冠軍更好，好美妙，只有系我既夢中先能想像到依一刻所有既一切，當知道我地既領隊要退休之時，果日的確係覺得非常傷感，每一個人都能夠理解佢既決定，每一個人都會多謝佢，能同佢合作一年，係一種榮譽，雖然只有一年，但佢比我既影響就非常大，佢既為人，所有既一切都令人難以置信。」

卡域克：

「對每一個人黎講，今日所有既一切都係非常感人，感覺好奇怪，足足整個星期都係咁，今日真係非常非常非常特別，雖然系更衣室入面，費格遜努力保持住平時既態度，不過你會感覺得到，呢次係佢最後一次系主場比賽，佢所獲得既致敬同掌聲，是幾咁驚人。」

里奧費迪南：

「對於球隊，對於領隊，都係百感交集，當費格遜同球員講自己將會退休時，我地都係感到非常失落，但曼聯係一支偉大既球會，我地須要向前望，我諗費SIR都希望我地咁做，之後，我需要同管理層傾下新合約既事情，希望領隊可以幫我講番幾句好說話啦！」

傑斯：

「費格遜只係同球員講，好好踢每一場比賽，佢希望能夠贏波，希望有一場精彩既比賽，佢對我地既要求，同以前一樣冇任何分別，此情此景令我我諗返起13歲系薩爾福男子隊時踢波既情景，我望住場邊，費格遜正系到睇我比賽。」
維迪：

「今日非常特別，令人高興既係我地攞到聯賽冠軍獎盃，但令人痛心既係，球隊需要送別主帥費格遜。下賽季系更衣室再見唔到費爵爺既感覺肯定會覺得奇怪，曼聯係一支偉大既球會，而且永永遠遠都係會咁偉大，爵爺執教咁多年之後先選擇離開的確令人心痛，而佢唔再繼續陪伴我地更令人難過。即使係聯賽既最後一日，佢都依然渴望取得勝利，佢說即使佢離開，我地都唔能夠喪失贏波既鬥志，而且佢仲話比我地聽，我地需要時刻準備戰鬥，時刻力爭勝利。」

菲爾鍾斯：

「能夠成為費格遜既球員踢波，真係令人難以置信既一件事，佢係一位夢幻般既領隊，佢對我所做既一切，係幾咁重要，我要多謝佢的話，永遠都唔夠。」