朗尼透露想加盟拜仁,朗尼對曼聯最後通牒!! 精選

雖然曼聯已經提前奪得英超聯賽冠軍，然而係曼聯隊中仍然有不和諧既因素。係曼聯主場迎戰車路士既比賽，費SIR雪藏左朗尼，而係之前既幾場比賽中，朗尼都好早換走左，呢啲種種現像都令媒體猜測朗尼將會係呢個夏天離開曼聯。據《鏡報》披露，朗尼係呢個夏天好可能轉會拜仁，轉會費為3000萬英鎊。


朗尼同費SIR既關係不如以往融洽並唔係秘密，之前三場聯賽，朗尼都係被提前換走，而且係換走時球隊都無鎖定勝局且自己無受傷，呢樣既情況係以往從未出現過。同時，朗尼係不久前都因為不滿早早被換走而拒絕同費SIR握手。正因為咁，已經打入歐聯決賽既拜仁向曼聯提出3000萬英鎊既報價，希望能夠收購朗尼。
據了解，朗尼私下係同隊友傾計既過程中都透露過佢想要加盟拜仁既想法。佢表示佢希望加盟一支有深厚底蘊既球隊，同時佢仰希望能夠同著名主帥哥迪奧拿共事。除左拜仁之外，巴黎聖日耳門都對朗尼十分感興趣。雖然費SIR一直係媒體面前表示朗尼係球隊既非賣品，然而宜家《鏡報》就透露費SIR已經默許左朗尼離隊。
與此同時，係曼聯輸俾車路士既果場比賽之前，有媒體報導稱朗尼對曼聯落左續約最後通牒。該報導稱朗尼希望同曼聯簽訂一份長期合約，而如果不能獲得長期合同，佢就會選擇轉會，同時朗尼對自己宜家既位置並唔係好滿意，佢希望從費SIR果到得到保障同承諾。另一方面，雲佩斯來到曼聯之後，朗尼就從傳統中鋒既位置去到影子前鋒。而係轉會市場上，曼聯同多蒙特既利雲度夫斯基都一致保持著緋聞。如果曼聯再來一位世界級既前鋒，咁朗尼只能再撤回來踢中埸。屆時，朗尼既位置都非常尷尬，畢竟宜家朗尼已經對佢係球隊所打既位置十分不滿。從目前種種來睇，朗尼選擇係呢個夏天離開球隊都係一件十分正常既事情。