C朗 : 我非常願意番曼聯 ! 精選

雖然入球率居高不下，但係C朗就始終唔肯同皇馬完成續約，呢位球星已經成為佩雷斯既心病。係無耐前出席《馬卡報》年度頒獎典禮果陣，C朗拒絕回答自己係皇馬係唔係快樂呢個問題，佢既心思好明顯已經唔係班拿貝啦。據英格蘭《每日星報》報導指，C朗親口確認願意重返曼聯！
據《每日星報》透露，C朗向一名曼聯既大佬級球員確認，自己願意係今年夏天重返奥脱福。雖然《每日星報》並無透露呢名大佬級球員到底係邊個，但係係曼聯既高齡球員入面，里奧費迪南係同C朗關係最好既，C朗好可能係向呢位曼聯中堅盡訴心聲。
費格遜無耐之前曾經話過，曼聯今年夏天將會好可能簽下一名頂級球星，而費爵爺係咪係度暗示C朗既回歸？按照之前英國媒體爆料，曼聯願意為C朗報價6500萬鎊，再加上蘭尼做籌碼，不過皇馬更加想要既係小豆。