費SIR:我可以幫佢搵到位置 , 佢無可能去拜仁!! 精選

費SIR認為葛斯離隊後，多蒙特唔會再允許利雲度夫斯基加盟拜仁，佢仲暗示可以為利雲度夫斯基係曼聯搵到位置，《每日郵報》稱費SIR將為利雲度夫斯基報價2500萬英鎊。
利雲度夫斯基係多蒙特對皇馬既歐聯半決賽中上演大四喜，霎時成為歐洲最炙手可熱既前鋒。佢既經紀人宣布合同仲有一年既佢唔會同多蒙特續約，而佢已經同另一間球會談妥合同，外界紛紛猜測呢家匿名既球會係岩岩得到葛斯既拜仁，但被拜仁官方否認。
費SIR已經考察左利雲度夫斯基18個月，佢認為葛斯係歐聯半決賽前宣布加盟拜仁後，多蒙特唔會將利雲度夫斯基賣俾拜仁，佢有希望簽下利雲度夫斯基同雲佩斯組成無敵鋒線：“多蒙特球迷唔會對所發生既事情感到滿意。我唔認為多蒙特會將利雲度夫斯基賣俾拜仁，佢地會令佢履行完合同，或將佢賣到其他地方。我既球隊中有佢既位置？我能為任何優秀既球員搵到位置。”
利雲度夫斯基同香川真司係多蒙特時期非常有默契，係大黃蜂德甲兩連冠既主力攻擊組合，都係費SIR對利雲度夫斯基感興趣既原因。葛斯係對皇馬既比賽前宣布加盟拜仁引起左多蒙特球迷既憤慨，佢地係主場痛罵葛斯“猶大”，如果再將當家前鋒利雲度夫斯基賣俾拜仁，多蒙特高層肯定擔心球迷倒戈。