曼聯中場打吡失效用，英媒推薦五種類型中場俾費Sir揀！ 精選

曼徹斯特打比曼聯中場完全遭到壓制，主場輸左俾鄰居，即使奪冠都唔完美，而傑斯無疑成為中場既最薄弱一人。卡域克今季各項比賽已經出場40次，只係缺席左一場聯賽，費Sir極度依賴他佢，如果佢受傷，後果就不堪設想。英媒推薦左5種類型既中場俾費Sir揀，包括中場指揮官迪羅斯，創造型既摩迪歷，巴西中場山度，實惠既林柏特以及攔截型既馬斯查蘭奴！
1.指揮官
理想人選：舒韋恩史迪加、現實人選：迪羅斯

中場指揮官已經成為稀有品種，耶耶托利同曼城合同差啲談判失敗既時候費Sir錯過良機，並無插手。28歲既小豬係拜仁副隊長，為拜仁出場超過300次，佢既合同到出年夏天就到期。迪羅斯都係一個合適既人選，上年曼城曾經試過簽下佢，但係無成功。
2.創造型
理想同現實人選：摩迪歷

本來費Sir希望香川真司能夠擔任呢個角色，但係呢名日本球星暫時仲未完全適應。費Sir一直好欣賞摩迪歷，可惜上年夏天佢選擇左加盟皇馬，但係一直無能夠確立主力位置。如果摩連奴夏天離開皇馬，費Sir可以趁機求購。歐聯16強次回合，摩迪歷後備上場遠射攻破迪基亞大門，幫皇馬逆轉晉級。3.中軸型
理想人選：布斯基斯、現實人選：山度

布斯基斯係卡域克類型既球員，24歲既佢已經係巴塞同西班牙既絕對主力，但係佢既合同2015年夏天就到期，違約金高達1.5億歐元，好明顯唔現實。所以費Sir可以考慮熱刺既山度，受傷前山度就係熱刺正選上選22場，深得老列納同保阿斯信賴。4.實惠型
理想同現實人選：林柏特

費Sir信賴老將，傑斯同史高斯仲係度發揮餘熱，之前佢仲引入過布蘭斯奴同拉爾森。林柏特今年6月就滿35歲，相比傑斯，佢仲係算後生，並且夏天就恢復自由身。今季佢出場高達45次，攻入左19球，狀態依然火熱。
5.攔截型

理想人選：馬斯查蘭奴、現實人選：雲耶馬

馬斯查蘭奴效力韋斯咸同利物浦果陣就係英超證明過佢係一名出色既攔截中場，而且係巴塞佢大部分時間踢中堅，雖然佢只有5尺9寸。些路迪既非洲獸腰雲耶馬同紐卡素既迪奧特係更加價廉同高質素既選擇，只係費Sir唔太鍾意純攔截型既後腰球員。