伊巴公開邀請朗尼加盟，巴黎主席承認對朗尼有好感! 精選

朗尼轉會傳聞又再度被炒起！ 《太陽報》頭條披露，岩岩係歐聯八強戰入波逼和巴塞既伊巴公開表示，佢非常歡迎曼聯前鋒朗尼加盟巴黎聖日耳門。


自從朗尼係歐聯16強戰對皇馬次回合大戰罕見地被費sir放係後補席後，有關呢名英格蘭頭號前鋒同費sir不和、並會係今夏被清洗既傳聞就一直不斷，甚至有英國媒體稱朗尼最低會以區區2000萬鎊價錢被賣走。對此，一眾潛在既買家自然聞風而動，其中就包括呢兩年異軍突起，瘋狂買人既巴黎聖日耳門。


如果只係講巴黎既財力而言，佢地的確出得起朗尼既20萬鎊週薪，而且比起其他英超球隊，朗尼加盟巴黎都會少好多壓力，伊巴話：“如果佢想要成為足球史上最偉大計劃既一份子，咁樣呢個係佢唯一可以加盟既球會。只有佢自己知道佢今夏既決定，但我地想要係呢到打造既計劃好清楚。我地唔滿足於稱霸法甲，我地仲想成為歐洲既頂級球會之一，我可以理解點解老闆對朗尼感興趣，佢係歐洲最頂級既10個前鋒之一。”


而日前，巴黎主席都公開表達對朗尼既好感：“朗尼係一個偉大既球員，世界上最優秀既前鋒之一，所有人都想擁有佢。”不過，日前費sir公開否認曼聯會賣朗尼，但如今朗尼係曼聯頭號前鋒既位置已經俾雲佩斯，呢個都係不爭既事實。