雲佩斯：我永遠留係曼聯，曼聯係我最後一站!!! 精選

打破告魯夫保持既荷蘭國家隊入球紀錄後，雲佩斯好快向曼聯表忠心，佢稱紅魔將係佢既最後一站，奧脫福係老球員最好既歸宿。


舊年夏天佢拒絕左曼城既邀請，力排眾議，從阿仙奴轉投曼聯，38場比賽入左23球，其中英超入左19球。雖然過去10埸比賽只係入左1球，但國家隊比賽日佢係2場比賽入3球，一舉超越告魯夫，成為荷蘭隊歷史頭號射手。


心情大好既佢表示佢希望係曼聯終老，因為紅魔係老將最好既歸宿，接受荷蘭《國際足球》採訪時佢話：“接下來幾年我仲會係曼聯，或者更長，曼聯將係我既最後一站。老球員可以係歐洲好多球會實現自身既價值，過去係祖雲斯同米蘭，而宜家既曼聯係一個好榜樣。係曼聯我每日都遇到新挑戰，我係不停進步。係一個全新既環境中，周圍都係新教練同新球員時你得到額外既動力，佢地都有自己既思想。”


曼聯對待老將一向好人性化，39歲既傑斯、38歲既史高斯同34歲既里奧都係發揮餘熱，傑斯同里奧仲係令人感覺時光倒流。如果不出意外，呢班紅魔功勳都可以係曼聯挂靴，退役後都可以成為工作人員，另外雲達沙都係踢到40歲先可以功成身退。雲佩斯即將而立，係阿仙奴佢一次只可以獲得一年既合同，而係曼聯，大器晚成既佢就能效仿傑斯同史高斯等傳奇，成為雲達沙之後，第二個係曼聯掛靴既荷蘭人。