曼聯欲以破轉會費紀錄簽哥倫比亞小將!!! 精選

曼聯睇上波圖既占士洛迪古斯已唔係一日兩日，但係要說服有“歐洲黑店”之稱既波圖放人，恐怕要用唔少銀兩。據每日郵報披露，曼聯已經打算重金簽左占士洛迪古斯，甚至不惜為佢打破球隊既轉會紀錄。


每日郵報披露，曼聯已經準備左一份3600萬英鎊既報價，並且計劃將蘭尼或安達臣都加入交易中，作為籌碼既一部分。曼聯宜家隊史轉會紀錄係里奧既4000萬英鎊，如果真係用3600萬+蘭尼或安達臣，咁樣肯定將創下曼聯既新紀錄。


07年以2000萬英鎊加盟既安達臣並未達到人地對佢既預期，佢不斷發福既身材都令曼聯上下對佢既職業態度產生懷疑，對於呢個傳聞，佢表示：“如果返葡萄牙踢波，我願意返波圖，我曾經效力呢間球會，我都願返去踢波。”


今年只有22歲既哥倫比亞小將占士洛迪古斯年少成名，2010年夏天波圖用500萬歐元將佢帶到歐洲，作為一名左腳球員，佢既可以出任前鋒，又可以踢邊鋒。