文仙尼：我好同情曼聯同費SIR，因為我都試過..... 精選

曼聯係歐聯被皇馬淘汰出局，傷心既係唔只係紅魔球迷，佢地既死敵、吵鬧既鄰居曼城今次難得咁同曼聯企到左統一戰線上。文仙尼之前就表示希望曼聯可以係歐聯到走得更遠，因為咁樣曼城係英超逆轉奪冠既機會就大好多。但係曼聯最終唔可以跨過皇馬呢一關，文仙尼好失望，佢表示曼城好難奪今個賽季既英超，佢將會將重心放係足總杯上。另外，文仙尼聲援費sir稱蘭尼既紅牌係個誤判，並預測朗尼肯定會留在曼聯。


早係歐聯淘汰賽之前，文仙尼就表示希望曼聯能夠係歐聯中走得盡量遠，咁樣既話，多線作戰既曼聯難免會係英超聯賽中犯錯，曼城就有機會後來居上。如今，曼城已經落後曼聯12分之多，隨著曼聯係歐聯出局，費sir既球隊將會將大部分精力放係聯賽上，文仙尼明白已經好難重演上賽季末既逆轉大戲。


“隨著曼聯係歐聯出局，我地既處境就差啦，因為佢地可以將所有既注意力都放在國內既賽場。若佢地仲留係歐聯比賽中，佢地會幾乎每隔三天就踢一場比賽，我地既壓力會細好多。但事實並非如此，我認為佢地佔據左好大的優勢，我地好難奪冠，因為12分既分差實在太大，不過，我地會一直努力到賽季結束。”


同費sir一樣，文仙尼都認為裁判用紅牌趕走蘭尼係個錯誤，文仙尼表示自己好同情費sir同曼聯既遭遇：“有時候，裁判難免犯錯，而對我而言，裁判果個判罰就係個錯誤。蘭尼既動作連黃牌都無，根本唔係犯規，蘭尼只係試圖接波，佢無睇到艾比路亞，我無法理解裁判究竟睇到左咩。”


文仙尼表示自己完全能夠理解費sir此刻既心情，因為曼城都有幾次遭到裁判既不公正待遇。過去既14個月裡，曼城隊長甘賓尼得到左兩張紅牌，令文仙尼好無奈。 “我理解費sir既境遇，因為我都遇到過類似既情況。舊年，甘賓尼係同曼聯既足總杯中被罰出場；今年，佢又係同阿仙奴既比賽中見紅。”文仙尼話。