意甲豪門將今夏收購朗尼,英媒:朗尼想為西班牙豪門效力!

曼聯聯盟 於 08/03/2013 發表 收藏文章
係今日凌晨既歐霸盃比賽中,國米作客0-3慘敗係熱刺腳下,已經幾乎無可能晉級八強。自從米列圖受傷後,國米既鋒線實力就受到左嚴重既削弱,咁樣已經大大影響到左藍黑軍團既成績。據《米蘭體育報》稱,國米準備係今夏投入重金引進新既前鋒,而朗尼成為左國米既引援目標。


係今週曼聯主場對皇馬既歐聯次回合比賽中,費sir出人意料咁無俾朗尼入正選名單,咁令世界足壇感到震驚。而朗尼既老婆高蓮仲係網到公開表示,“我唔敢相信朗尼無正選。”歐洲媒體都認為,呢件事令朗尼同費sir既矛盾已經公開化。


朗尼自從加盟曼聯後,就得到了費sir既大力栽培,成長為曼聯同埋英格蘭既頭號球星。但朗尼係球場外既行為都令費sir好不滿,好似性醜聞、酗酒、吸煙。但朗尼並無按照費sir既要求改正,而係繼續我行我素,雙方之間既矛盾逐漸加劇,直到今次係咁關鍵既歐聯比賽中朗尼無緣正選。媒體認為,朗尼會係今年夏天離開曼聯。


而國米就急需引入新既前鋒,曾經幫助球隊奪得三冠王既米列圖遭遇重傷,即使傷癒後國米都擔心米列圖既狀態。而卡薩諾卡斯辛奴同斯帥發生衝突後,佢既續約都被叫停左,今個夏天可能離開國米。仲有國米既鋒線上就得返柏拉斯奧可以用,係呢種情況下,國米準備係今年夏天投入重金引入一名重量級前鋒,而朗尼就係一個非常合適既人選。


據《米蘭體育報》報導,曼聯願意係今年夏天以2500萬英鎊甚至更低既價格出售朗尼,對於國米來講完全可以攞出呢筆轉會費。不過《米蘭體育報》都指出,朗尼既超高人工先係國米引進佢既最大障礙。對於即將28歲既朗尼來講,今夏既呢次轉會好可能將係自己職業生涯中最後一次簽大合同既機會,朗尼希望可以係新球隊攞到20萬英鎊既周薪,而無論係國米仲係其他意甲既球會都難以承受。


目前除左國米之外,巴黎聖日耳門、皇馬、車路士、曼城、安治等歐洲豪門都想係今個夏天簽左朗尼。不過英國《每日星報》稱,“朗尼夢想係可以為巴塞踢波,佢一直非常鍾意巴塞既精彩足球。”而巴塞頭號球星美斯就回應,“朗尼同巴利係兩位偉大既球員,我當然樂意同最好既球員一齊踢波。不過,我認為佢地唔會轉會,將繼續留係英超。”

留言


請按此登錄後留言。未成為會員? 立即註冊
    快捷鍵:←
    快捷鍵:→