曼聯與巴黎聖日耳門爭奪皇馬翼鋒，夏天或加盟曼聯!!!! 精選

無論摩連奴下個賽季係咪繼續執教皇馬，咁都肯定唔會影響到球會今個夏天會買強援，而係買人既同時都肯定會考慮適當出售球員。據《馬卡報》最新消息，如果摩連奴今個夏天離開皇馬既話，迪馬利亞就會選擇前往曼聯或巴黎聖日耳門。


迪馬利亞係2010年夏天由摩連奴欽點引進入到皇馬既球員，過去兩個賽季佢表現出色，球會就係舊年夏天將佢既合同延長至2018年，但今個賽季以來，迪馬利亞既狀態就有較大起伏，好彩近期總算搵返到最佳比賽感覺。作為25歲既年輕球員，曼聯同巴黎聖日耳門撬佢機會好大。


迪馬利亞無講過佢想離開皇馬，但係摩連奴今個夏天離開皇馬既話，佢會唔會同意繼續留係皇馬就唔太理想。 《馬卡報》更相信，摩連奴今個夏天八成走人，到時迪馬利亞就必然離隊，至於天使會去邊，曼聯同巴黎聖日耳門對佢來講都係唔錯既選擇。

曼聯垂青迪馬利亞唔係一日兩日既事，2010年夏天曼聯就曾經同皇馬打響過天使爭奪戰，但後來皇馬出價更高，達到2500萬歐元，無意繼續競價既曼聯就退出左。近兩年當迪馬利亞係皇馬打出高水準之後，費sir就意識到，只要有一絲希望可以將天使帶到曼聯，球會就博命搶佢返來，今個夏天就係一個唔錯既機會。

巴黎聖日耳門有錢就大家都知，為迪馬利亞支付高額轉會費無任何問題，再者，如果摩連奴今個夏天離開皇馬並去巴黎聖日耳門執教既話，迪馬利亞同摩連奴一齊前往法甲既機會好大，因為佢地兩個既經紀人係同一個人，而為左賺到更多佣金，自然就想摩連奴帶埋天使一齊去到巴黎啦。