曼聯官方確實來港，雲佩斯等大牌球星有望隨隊訪港!!! 精選

曼聯官網宣布今年7月29日曼聯一隊將會飛去香港，同香港傑志踢一場友誼賽，呢場比賽係紅魔夏季巡迴賽既其中一部分，都係佢地連續第二年夏天到中國踢友誼賽。

曼聯官網話中國既1.08億紅魔球迷又可以一飽眼福啦，7月29日佢地既一隊將來到香港，係香港大球埸同傑志踢一場友誼賽，呢個係05年之後曼聯第一次拜訪香港。


曼聯CEO吉爾表示：“曼聯係整個中國，特別係香港得到大力支持。我地多次拜訪中國，而八年後球隊好高興重返香港。我地期待同忠實既球迷以及商業合作夥伴見面，最重要既係為下賽季做好準備。”


傑志基金既主席話：“傑志歡迎曼聯時隔八年重返香港，呢個係香港既一次盛會，因為曼聯肯定係係香港最受歡迎既球隊，而佢地係香港既球迷具有傳奇色彩。曼聯對傑志既比賽都係今個夏天英超香港圓滿結局，我地期待為香港公眾呈現一場最令人興奮既國際友誼賽。”

舊年7月25日曼聯拜訪左上海，掀起一股紅色旋風，佢地同上海申花踢左一場友誼賽，結果憑住香川真司既入波1-0小勝。今個夏天佢地將連續第二年夏天拜訪中國，而今次無國家隊比賽任務既大牌都有望登場，舊年夏天由於歐洲杯同埋奧運會，朗尼傑斯等人並未隨隊前往上海，今個夏天佢地有望帶埋雲佩斯亮相香港。