卡域克:享受四天假期，如果呢個賽季就咁完左..... 精選

曼聯自從11月中輸左比諾域治以來，之後滿分30分當中，曼聯就一共獲得28分既好成績，但卡域克知道依加曼聯一旦有所閃失，咁就會再次比到曼城希望。

卡域克話：「我地依加既位置唔錯，但係如果我地唔能夠保持落去既話，每個人都會知道之後發生咩事。我地需要對冠軍保持住渴望，唔理上年發生過咩事。依加仲有好多比賽要去踢，如果依個時候去諗啲未發生既事情，就會比人趁機而入，我地只須要繼續勝利就可以。」
講到雲佩斯既時候，卡域克就話：「估唔到佢黎到呢到都可以入咁多波，佢只係系正確既時間黎到正確既球會。咁對於我地黎講係一筆好既簽約，比我地系進攻既時候帶黎額外既威脅。其他前鋒都做得非常好，但雲佩斯係最引人注目果位。」
「我對於自己近期既狀態感到高興，大家對我既表現予以左肯定，但我只係一直做我岩岩黎既時間相同既工作，如果賽季就咁結束既話，咁對我黎講就真係一個非常好既賽季。但我地依加仲要作戰，我希望我地會係餘下既賽季入面講埋同一番說話。」
對完熱刺曼聯就要飛往卡塔爾，開始進行為期四日既訓練營。卡域克相信曼聯賽季中期能夠應付响嚴寒既情況之下去卡塔爾度假既訓練任務。
卡域克仲講笑，球員們都好期待「逃離」冰雪，又認為旅行對球員係非常有益的，可以比佢地保持狀態繼續前進。