曼聯2012年大事回顧 精選

一月：曼聯一月時其實已經有一場大戰，對手就係當時同曼聯為爭聯賽榜首位置而競爭得非常激烈既曼城，聯賽被同市死敵主場大炒6比1後，費爵爺誓要响足總盃報番一箭之仇，最終曼聯作客險勝曼城3:2。可惜月尾被利物浦淘汰出局，但利物浦前鋒蘇亞雷斯就因為對艾夫拿講出種族歧視言語被禁賽。
入球片段：
http://www.youtube.com/watch?v=PPJMZjnWE_Ihttp://www.youtube.com/watch?v=hxYvYbmaZsc大家如果仲記得既話，曼市打呲當時史高斯穿上22號球衣再次復出係球場上。

二月：曼聯作客對車路士被對手先攻入三球，其後由朗尼兩球既12碼再加上「小豆」絕殺先逼和對手帶走一分。之後主場再次面對利物浦，賽前有個握手儀式，但蘇亞雷斯就拒絕同艾夫拿握手，最後紅魔鬼2比1擊敗利物浦，完場冇耐艾夫拿走向蘇亞雷斯身旁慶祝。

三月：曼城因被史雲斯擊敗，將由十月保持到依加既榜首位置讓比曼聯，但就响歐聯被淘汰出局。
四月：聯賽8連勝既曼聯就作客韋根時被擊敗，同時都比左希望曼城。曼聯對愛華頓時被逼平4比4再次失分，最慘既係英超最後三輪都比曼城响主場1比0擊敗，因淨勝球不及曼城所以再次排第二。

當時由曼城隊長高柏尼攻入全場唯一入球：
http://www.youtube.com/watch?v=hPBpYl5FU7A
五月：呢個月簡直係曼聯同曼迷既惡夢，因為希望變成失望。曼城最後一輪既對手係QPR，今場一定要羸先可以帶走聯賽冠軍，QPR曾經一度領先曼城2比1，但補時曼城連入兩球，最後都攞走聯賽冠軍。
六月：曼聯希望用1700萬鎊購入日本國籍既香川真司。

七月：曼聯有四位球員參加左倫敦奧運男足，分別係迪基亞、傑斯、卡華利同拉菲爾。後來，朴智星都離開曼聯轉會到QPR。而且曼聯都同雪佛蘭簽定長期既協議。

八月：阿仙奴10號球員雲佩斯正式以2400萬鎊加盟曼聯，並且簽下四年既合約。

九月：曼聯開季就有後防傷兵問題，當時更加要由卡域克客串中堅，另外對修咸頓一戰中，雲佩斯雖然射失一球12碼，但最後都絕殺對手，完成响曼聯既第一次帽子戲法。費查就缺陣18個月之後，終於係對纽卡素既聯賽盃中復出。但英超主場不敵熱刺，長前對熱刺既不敗之身終於被破。
入球片段：
http://www.youtube.com/watch?v=a1do22feFOU
十月：聯賽作客車路士時，球證成為關鍵，最後由「小豆」絕殺3比2擊敗車路士。
入球片段：
http://www.youtube.com/watch?v=quZFTClEq3A
十一月：費格遜執教曼聯第26年，而佢既銅像終於都响奧脫褔球場揭幕。

十二月：曼聯作客曼城，朗尼梅開二度再加上雲佩斯補時絕殺，2比3險勝對手。同時歐聯淘汰賽都抽到皇馬，C朗將要倒戈。12月既31號亦都係費格遜既生日，佢已經71歲喇！
入球片段：http://www.youtube.com
/watch?v=GzoTLu-w_Mo