c朗在曼聯的生涯.....開始到完結....... 精選

歐聯淘汰賽抽籤已經有結果，曼聯既16強對手就係皇馬，C朗倒戈一定係球迷最想睇架喇，自從離隊加盟「銀河艦隊」後，從未嘗試重返奧脫褔球場。今次，我地就睇番佢由一個懵懂少年變成一位世界足球先生啦！

03年8月16日，C朗拿度就穿上曼聯既傳奇7號球衣响主場對保頓既聯賽中首次亮相，而佢係下半場替補登場後，最後助曼聯4比0大勝保頓。

當時C朗第一次既上場精華片段：
http://www.youtube.com/watch?v=G2moHbU01Fg
04年5月22日，C朗拿度响曼聯對米禾爾既足總杯決賽當中首次開紀錄，而呢次既冠軍係佢响英格蘭既第一個榮譽。

C朗對米禾爾時既個人精華，當時既佢個人突破能力已經非常出色，入左波仲除衫慶祝添！
http://www.youtube.com/watch?v=PeubmsKs2vU
06年2月26日，响聯賽杯決賽中獲得入球，幫助曼聯4比0大勝韋根，今次係佢第二項既球會榮譽。

C朗响聯賽杯決賽對韋根既個人精華！
http://www.youtube.com/watch?v=te-W5qQ_riA

06年7月，因為世界杯既「眨眼事件」差啲搞到C朗要同曼聯分手，但好彩費格遜親自飛到葡萄牙，勸說佢回心轉意。
07年5月，C朗拿度攻入係曼聯既第50個入球，當時紅魔鬼作客擊敗曼城，獲得4年黎第一個英超冠軍。而依個賽季佢當選為PFA年度最佳球員。
http://www.youtube.com/watch?v=le9xFLcfCsA
08年5月21日，响歐聯決賽對車路士時頭球破門，攻入賽季既第42球，但因為12碼大戰時射失，差啲連歐聯冠軍都冇埋成罪人。
http://www.youtube.com/watch?v=ZqAVnDPrGik08年12月2日，奪得金球獎，隨後更當選世界足球先生。

09年5月27日，响歐聯決賽輸比巴塞，而今次更加係佢响曼聯既最後一場比賽。

09年7月11日，曼聯接受左皇馬創紀錄既8000萬英鎊報價，C朗告別奧脫褔。

據統計，C朗效力曼聯既6年時間內，出場292次，攻入118球。共奪得3個英超冠軍、1個歐聯冠軍、1個足總杯冠軍、2個聯賽杯冠軍、1個世俱杯冠軍。而且，佢本人都獲得一次英超金靴、一次PFA年度最佳球員、PFA年度最佳新秀、1次金球獎同埋世界足球先生，實現自己個人榮譽大滿貫。